Amahlamvu abalulekile ekudleni

KUNEZINHLOBO zezithako ezingamahlamvu ( herbs) eziningi, ezinye zazo zisiza ekwelapheni nasekulekeleleni amasosha omzimba kanti ezinye kuyaphekwa ngawo.

Sithole imibuzo ehlukene kubafundi bethu abanye bethi yimaphi amahlamvu okumele asetshenziswe uma kuphekwa. Maningi amahlamvu asetshenziswa ekuphekeni, kunezinhlobonhlobo zama- cuisine.

Amahlamvu angamakhambi kuyenzeka asetshenziswe njengesithako uma kuphekwa, inqobo nje uma umuntu eyiqonda leyo nhlobo ukuthi uma iphekeka izobanjani.

Emkhakheni wokupheka ziningi izindlela ochwepheshe abazisebenzesiyo ekuthakeni ngamahlamvu. Ngake ngasebenzisana nomunye wo- chef owayenza u- ice cream ngenhlaba, yize kwakungakholakali, kodwa wawumnandi.

Sizokhetha amahlamvu awu-4 ongazitshalela wona engadini yakwakho futhi ayatholakala ezitolo esathambile ( fresh) noma onyisiwe ( dried):

Inamakha anamandla, kumele uqaphele uma uyisebenzisa, ungayifaki ngokweqile. Iyahambisana nohlobo lwenyama eyahlukene - kungaba eyenkomo, eyenkukhu - uma uyosa noma uyenza isitshulu.

Ungabuye wenze ngayo amacocktail, kayizwani nenhlanzi ngoba isheshe izwele. Yenza isishebo sinambitheke, sibe nephunga elikuthatha uza le kude.

Inamakha amnandi. Okuhle ngayo wukuthi ungayisebensiza noma ngabe kuluphi uhlobo lwesishebo; iyahambisana nezinhlobo eziningi zenyama nama- vegetable.

Ngiyathanda ukuwasebenzisa uma ngipheka Ubhontshisi noma ithanga eliphekwe ngoavini, phecelezi: roasted butternut.

Yintandokazi emkhakheni wezokupheka, kukancane ungayifici ezindaweni okuphekelwa kuzona. Ifana nosawoti ekhaya, isetshenziswa cishe kuzo zonke izishebo nezitshulu.

Kuya ngawe-ke ukuthi ufisa ukuyisebenzisa kanjani. Ayinalo iphunga elinamandla, ibuye isebenze kakhulu ekuhlobiseni ukudla, phecelezi “garnishing”, isebenze kakhulu kuma- sauce. Ngithanda ukuyisebenzisa ikakhulukazi uma ngenza ingxubevange engiyifaka enyameni.

Yenza izimanga, ishintsha isidlo isenze into ongakaze uyicabange. Ithandwa kakhulu emazweni ahlukene, e-Italy ifana nesiko. Ungathaka noma yini ngayo, inamakha anamandla.

Uqaphele isikalo sakho uma uyisebenzisa, iyazwana noflour. Ibaluleke kakhulu-ke kwazise kayigcini nje ngokupheka kodwa isiza nasekuxosheni izinambuzane ekhaya; njengomiyane.

Kunenkolelo-ke ethi uma uyitshala eduze kukatamatisi, uzovuna isivuno esihle futhi ubemnandi utamatisi. Ngithanda ukuyisebenzisa uma ngenza i- basil pesto sauce, okuyingxubevange yamakhambi ongayisebenzisa uma wenza i- pasta noma inkukhu.

UBUHLE bakho ntokazi bungenza ngehlulwe wukuzibamba. Ngingajabula uma ungavuma ngivele ngithumele omalume bazishaye ziphelele. Le ntokazi nguKhanyisile Zondo waseMhlwazini, eBergville, yenza i-Analytical Chemistry eMangosuthu University of Technology. Ithi ithanda ukuchitha isikhathi nomndeni wayo, ikakhukazi uninakhulu, uKaNjuqu Zondo.