IChiefs ibambe umoya ngonozinti omusha
Amaphepha okusebenza angamvimba kwiDerby
UBAMBE umoya umqeqeshi weKaizer Chiefs ngomdlali asanda kumsayinisa njengoba emdinga ngokushesha emdlalweni omqoka wale kilabhu.
IChiefs izobhekana ne-Orlando Pirates kowe-Absa Premiership ngoMgqibelo ngo-15h30 eFNB Stadium, eSoweto.
Lo mdlalo ubhekwe ngabomvu njengoba kwaziwa ukuthi uma lamakilabhu ebhekene kuma yonke into ezweni.
Kulindeleke ube nesasasa nje- ngoba iChiefs iya kuwona iphethe umqeqeshi omusha u-Ernst Middendorp.
Kuzokube kungesiwona umdlalo wakhe wokuqala uMiddendorp njengoba eshaya ibuya kwiChiefs.
Nokho lo mqeqeshi odabuka eGermany uveze ukuthi ubambe umoya ngoDaniel Akpeyi ongunozinti abasanda kumthenga kwiChippa United.
Uthi umincele ukuthi kushaye lo mdlalo amaphepha amgunyaza ukusebenza kuleli eselungile.
“Ngiyazi ukuthi amaphepha okusebenza kuleli athatha isikha- thi ukubuya kodwa ngihlalele emthandazweni wokuthi kufike lo mdlalo sekuqonde konke.
"Siyasidinga isipiliyoni sakhe kulo mdlalo, ngikholwa wukuthi sizosisiza.
"Emapalini yilapho esixega khona selokhu kulimale u-Itumeleng Khune.
"UVirgil Vries wenza amaphutha angamukelekile yingakho sibone kungcono silande unozinti onesipiliyoni,” kusho uMiddendorp.
IChiefs kuvela ukuthi izama nokubhalisa lo nozinti njengomuntu wakuleli kwazise usehlale isikhathi eside eNingizimu Afrika.