ULEKGWATHI UXWAYISA ABE-BUCS NGOBUNGOZI
kho bangalinge nje bacabange kanjalo ngoba bazoba kwenkulu ingozi.
"Kulo mdlalo kwenzeka noma yini awuyi ngafomu.
"Abantu abanengcindezi kulo mdlalo yiChiefs ngoba kade yagcina ukuhlula iPirates.
"Sike saba sesimweni esifanayo iChiefs isihlula kulandelana besinenkulu ingcindezi eqedwe wukuthi sigcine siyihlulile.
"Nakulo iChiefs ifuna ukuqeda yonke lento ngakho-ke bayigade ngoba izoba yingozi,” kusho uLekgwathi.
Nokho uthi ubona iPirates izodlula kulo mdlalo.
“IChiefs ayikahlangani kahle isabamba iyayeka nomqeqeshi kukhona izinto asazama ukuzihlanganisa, kanti iPirates ihlangene.
"Ngibona iPirates idlula kulo mdlalo inqobo nje uma ingeke iyithathe kancane iChiefs, izodlala ngokuzinikela iyinike indawo yayo ngoba iyiqembu elikhulu elingayijikela esiswini njengotshwala,” kusho uLekgwathi.