OWE-BUCS UFUNWA AMAKILABHU ASE-EUROPE
UMiddendorp ucela usizo kubalandeli
INGEBHE kumqeqeshi weKaizer Chiefs ngezimbangi azobhekana nazo emqhudelwaneni omqoka. IChiefs izobhekana neChippa United kowe-semi final yeNedbank Cup ngoMgqibelo ngo20h15 eNelson Mandela Bay Stadium, eBhayi.
Lo mdlalo ubhekwe ngabomvu ngabathandi bebhola kwazise kunzima ukusho ukuthi yiliphi iqembu e l i y i zi m f i vi lithi ukuwunqoba.
IChippa ibukeka inengcindezi njengoba iya kulo mdlalo isengcupheni yokugengcwa yizembe kwi-Absa Premiership, kanti iChiefs yona amehlo isiwabhekise kule nkomishi njengoba isiliphonsile ithawula ngokunqoba isicoco seligi.
U-Ernst Middendorp ololonga iChiefs uthi selokhu aqala ukuba sebholeni uyaqala ukuba novalo olunjena.
“Umdlalo weChippa ngeke ube lula, unzima, yingakho k ungacaci ukuthi ngobani abayizimfivilithi ukuwunqoba.
"Nginovalo ngalo mdlalo,
angifuni ukuqamba amanga.
"Into eyenza ngibe novalo wukuthi sekunesikhathi eside iChiefs igcine ukunqoba inkomishi, manje lena uyabona ukuthi abalandeli bayibhekile.
"Le nto yenza ngingalali kahle ngoba ngiyazi ukuthi ifuneka kangakanani.
"Ngisho nabaphathi imbala uyabona ukuthi bayayidinga.
"Konke kulele kubadlali uma benze lokhu esibayalele khona ngeke sibe nankinga, sizowunqoba lo mdlalo,” kusho uMiddendorp.
Ube esenza isethembiso kubandeli bale kilabhu abawa bevuka nayo kunzima.
“Abalandeli bangenza ukuthi sinqobe le nkomishi ngokuthi baphume bazoseseka ngoba ngaphandle kwabo asilutho.
"Abalandeli beChippa bazobe bephumile ngakho-ke nami ngiyazicelela kwabethu kuzona zonke izindawo ukuba baphume bazosilekelela.
"Iyona nkomishi esisalele lena ayisekho enye ngakho-ke sidinga wonke umuntu ukuba azosilwisa ukuze siyinqobe le mpi,” kusho uMiddendorp.
Kulo mdlalo kubhekwe uDumisani Zuma weChiefs ukuba enze ezibukwayo njengoba edlala ibhola elinenkosi phakathi kulezi zinsuku. Akagcini nje ngokudlala kahle kodwa ushaya namagoli amqoka.