AYANDA BUTHELEZI:
KULIQINISO elingephikwe ukuthi ukusebenzisa i- make up ikakhulukazi kwabesifazane, kunomthelela omuhle owengeza ukuzethemba. Muva nje sebuyafihleka ubuhle obengezwa yi- make up ngenxa yokungafundiseki kahle kwabayifakayo. I- make up artist yaseVerulam, ngaphandle kwaseThekwini, uSnenhlanhla “Sammy” Makhaye (22), webhizinisi iSammy’s Facebeat, uthi maningi amaphutha enziwa ngabesifazane uma beziphaqula, okudala ukuba ingabe isabukeka kahle. Uthi ubuhle bowesifazane bulele ekuzinakekeleni, ikakhulukazi isikhumba.
“Ngaphambi kokuba umuntu ajahe ukufaka i- make up, kubalulekile ukuqala ngokunakekela isikhumba sakho. I- make up kakuyona eyokufihla ubuso kodwa ngeyokwengeza ubuhle bakho.
“Uma unakekela kahle isikhumba sakho, usuke usuthinta
lapha nalaphaya futhi neziphaqulo ozisebenzisayo zingena kahle ebusweni,” kusho yena.
USammy uthi ibhizinisi lakhe uliqale ngo-2017 emuva kokuchitha isikhathi eside elandela ama- tip kwiYouTube. Ukudlondlobala kwakhe kwezokuphaqula sekumenze wasebenzisana nosaziwayo abehlukene okubalwa kubona noTipcee ongumculi, njengamanje odume ngengoma esihloko sithi Fakaza.
UGCIZELELA EYOKUTHI KAKULALWA NE-MAKE UP
Ebuzwa ukuthi yini emenza ahluke kwamanye ama- make up artist, uthe: “Kangiwalandeli ama- trend kodwa ngenza lokhu okuhambisana nesidingo se- client.” Uthe kulo mkhakha ubukela kumphaquli uSamke Shelembe, owaziwa ngelika-Embelish. “Engikufundile kuyena wukuthi indlela awuhlonipha ngayo umsebenzi wakhe nangendlela ahlonishwa ngayo, isimbeke kwelinye izinga labaphaquli ongadlaleli kubona.” Uthe kumqoka ukuba umuntu angalokothi alale efake i- make up. “Lowo wumyalelo wokuqala nomkhulu wezokuziphaqula. Kubi ngempela (ukulala ne- make up) ngoba kuvala izimbobo zesikhumba zokuphefumula.” kuchaza uSammy. Kakumele isikhumba sibukeke njengopende owomile. Echaza ngama- product awabeke eqhulwini, uthe: “Nsukuzonke ngisebenzisa ama- product akwaGarnier ukuhlanza isikhumba. Kwi- foundation ngithanda iMaybelline Fit Me. Kumaeyeshadow ngincamela imikhiqizo yeHUDA. Uma ngi- primer ngisebenzisa ama- primer aseNYX HD. Ukugcina izindebe zami zintofontofo ngisebenzisa i- lipstick ye
Yardley