AYANDA KHANYILE:
Abantu abaningi babona sengathi usuke sewufobele kaningi uma uzokudla izikali eziwi-5 zokudla okunempilo ngosuku, ekubeni nesikhathi sokwenza lokhu kudla sibuye singabi khona. Izizathu ezenza kubaluleke ukulandela le ndlela yokudla, yingoba kuhlukwaniswa ngezigaba.
Isidlo sasekuseni, esasemini nesakusihlwa (main meals) besekuthi phakathi kwazo lezi zidlo ezingama- main meals akho, kuphoqeleke ukuba udle amahealthy snacks, okuyiwona obamba ngawo umoya.
Lezi zikali kuyaye kufanele ukuba uzehlukanise ngezikhathi eziphakathi kwamahora amabili noma amathathu osuke uzodla ngazo. Lokhu kwenziwa wukuthi imizimba yabantu kayifani.
Abanye abantu banemizimba esheshayo ukwehlisa ukudla ( fast metabolism), kanti abanye banemizimba ethatha isikhathi eside sokwehlisa ukudla (slow metabolism). Yingakho-ke izikhathi zokudla izikali ziyaye zingefani kumuntu nomuntu. Odokotela nabo bangabanye abayaye bagqugquzele ukubaluleka kokudla lezi zikali eziwu-5 zokudla okunempilo, ngoba kwenza ukuthi umzimba uhlale unamandla ( energetic), uzizwe uphila uwumqemane futhi ku-ngabi khona isikhathi lapho osuke uzizwa ulambile khona.
OKUNGAMELE KUSALE EZIDLWENI ZAKHO ZANSUKUZONKE
Ukudla okuyisisekelo esimqoka sokuba yingxenye yezikali eziwu-5 zokudla kwakho kwansuku zonke:
Idla inyama emhlophe (inyama yenkukhu noma ufishi).
Idla amavegi aluhlaza afana nebroccoli, i-green beans, i-baby marrow, i- spinach, nokunye.
Idla isitashi esinempilo ( healthy carbs) njenge-brown rice, ubhatata, nokunye.
Idla izithelo ezifana ne- grape fruit, i- granny smith apples, i- water melon, amagrapes, nokunye.