Uncoma isitha aphinde wasivuzisa igazi
Sekuyingxabano yaphakade eka-Eymael noKomphela
Uville Golden Arrows ngo2-1 koweAbsa Premiership ngoMgqibelo
NCOMA umsebenzi wesitha sakhe esikhulu uLuc Eymael ongumqeqeshi weBlack Leopards eguqise iLamontebusuku eThohoyandou Stadium, eLimpopo. Amagoli eLeopards avalelwe enethini nguLesedi Kaxzpinga noThemba Ndlovu, kwathi ele-Arrows kwaba yiphenathi evalelwe enethini nguKnox Mutizwa. Lo mdlalo ububhekwe ngabomvu kwazise uSteve “Mphathi” Komphela no-Eymael kabezwani, kangangoba bake babambana ngisho nangezihluthu kunzima. Babanga ukuthi uKomphela ubesola u-Eymael ngokukhankasela umsebenzi wakhe udede ngesikhathi esengumqeqeshi weKaizer Chiefs. U-Eymael ekhuluma naleli phephandaba izolo ngeSonto ekuseni, uncome uKomphela ngebhola elihle aselifake kwi-Arrows. Nokho uzwakalise nokujabha ngokuziphatha kwalo mqeqeshi amsole ngokumziba ingcaca efuna ukumhalalisela ngokuqala kahle isizini ngaphambi nangemuva komdlalo.
“Ngiyazi ukuthi abantu bazi ukuthi kasizwani noKomphela, mina kodwa ngimthanda ukufa. Emdlalweni wethu nabo kunezinto engizibonile ngaye ngazicosha.
“Uhlakaniphile futhi unolwazi olunzulu ngebhola. Ungimangazile ngendlela ahlanganise ngayo i-Arrows futhi uneso labadlali.
“Laba badlali be-Arrows kangibazi, bengiqala ngisho ukubabona kodwa ngathi kudala baqala ukudlala esigabeni esiphakeme.
“Uma engaligcina kanjena leli qembu amasizini elandelana, kangifuni ukukhuluma amanga bazokuba yinkinga,” kusho u-Eymael odabuka eBelgium.
Uthi okumphathe kabi okwenziwe nguKomphela kulo mdlalo wukumziba.
“Ngaphambi komdlalo ngizamile ukuya kuyena kodwa wanganginaka.
“Emuva komdlalo ngokunjalo ngiyile ukuyomxhawula ngimhalalisela ngokuqala kahle isizini kodwa wavele wabheka eceleni, akanganginaka.
“Kungiphathe kabuhlungu lokho kodwa-ke impilo injalo, kakunankinga,” kusho u-Eymael.
Imizamo yokuthola uKomphela iphunzile njengoba ucingo lwakhe belukhala kodwa lungabanjwa. U-Eymael ubengaqali ukujuqa ikilabhu ecijwa nguKomphela kwazise wayehola senzos@ilanganews. co.za