Abasubathi bakuleli bagile izimanga eNigeria
Babuye nezindondo zegolide
BENZE ezibukwawo abasubathi baKwaZulu-Natal abebemele iNingizimu Afrika kwi-International Association of Ultrarunners (IAU) 50km ngoMgqibelo eSaganu, eNigeria.
UThobile Mbolekwa noSanelisiwe Mbanjwa baKwaZulu-Natal, babe yizingqwele zalo mjaho ngokuhlukana kobulili. UMbolekwa osubathela iHollywoodbets ushaye intambo ngesikhathi esiwu-3:00:02, kwathi uSanelisiwe wePhantane wenza u-3:34:05.
USanelisiwe ushaye intambo evule igebe lika-4km ku-Elizabeth Power Nuhu waseNigeria kanti ungene unombolo 11 uma kuhlanganiswe abesilisa nabesifazane, kwathi uLielan Schiffers wakuleli wangena isithathu.
Ngaphandle kwalaba basubathi nabanye abebeyingxenye yalo mjaho benze kahle. Iqembu lakuleli labesilisa nelabesifazane lihlomulele izwe izindondo zegolide ngokwehlukana kobulili. UCobie Smith ungene unombolo 7 esigabeni sabesifazane.
Esigabeni sabesilisa uMthokozisi Mazibuko ungene nabokuqala abalishumi engena unombolo 7, uMahlomula Sekhonyana ongene unombolo 4 kwiComrades Marathon yanonyaka ungene unombolo 11, kwathi uKallie Burger wathatha unombolo 14. UMbolekwa noSanelisiwe ngokunqoba kwabo bahlomule ngemali elinganiselwa ku-R30 000 ngokwahlukana.
UMengameli we-Athletics South Africa (ASA) u-Aleck Skhosana uthe ujabule kakhulu ngokwenza kahle kweqembu lesizwe. Uthi ujabule kakhulu ngokuthola izindondo ezine zegolide. Uphethe ngokubonga abagijimi ngokuzikhandla nokubeka iNingizimu Afrika phezulu emhlabeni.
Kusenjalo, uTayla Kavanagh wenze irekhodi elisha labesifazane kwi-26 Illovo Christmas Challenge izolo ngeSonto ekuseni eWestville.
UTayla wenze u-57:01 ecisha u-57:14 obekwe nguJenna Challenor nyakenye.
Indawo yesibili ithathwe nguNalicy Chirwa ngo-57:23 kwathi uJanene Carey waqopha isikhathi esiwu63:52. UNcedisani Phungula ube yingqwele esigabeni sabesilisa emiswe kabi nguPhalang Mosiea, kwathi uMuziwenkosi Mjaja walala isithathu.
1.Ncedisani Phungula 50:45; 2. Phalang Mosiea 51:02; 3.Mziwenkosi Mjaja 51:49. Ku-35 kuya ku-39: 1. Lindokuhle Ntuli 51:52; 2.Siyabonga Ndlovu 54:05; 3.Innocent Nyawose 55:22. Ku-40 kuya ku-49: 1.Simphiwe Zulu 53:54; 2.Cebo Mkhize 55:51; 3. Mdumiseni Zondi 57:03. Ku-50 kuya ku-59: 1.Allen Ndlovu 59:27; 2.Wayne Scott 59:48; 3.Kwazi Zondi 61:43. Ku-60 kuya ku-69: 1.Vernon Anley 72:16; 2.Daniel Swart 74:27; 3. Bongani Ndlovu 77:27. Ku-70 kuya phezulu: 1.Bernard Mosala 84:42.
1.Cebo Khathi 55:31; 2.Jabulani Majombozi 57:50; 3.Nhlanhla Linda 57:59.
1.Tayla Kavanagh 57:01; 2.Nalicy Chirwa 57:23; 3.Janene Carey 63:52. Ku-35 kuya ku-39: 1.Xoli Madida 69:53; 2. Alison Uys 71:58; 3.Nothile Mthembu 83:24. Ku-40 kuya ku-49: 1. Janene Carey 63:52; 2.Lieketseng Molefe 68:00; 3.Lisa Collett 69:07. Ku-50 kuya ku-59: 1.Roshini Natasen 78:08; 2.Mary Mwelase 79:29; 3. Veronica Mzobe 86:18. Ku-60 kuya ku-69: 1.Debby De Koning 80:55; 2. Blanche Moila 82:47; 3.Pam Rasmussen 86:46. Ku-70 kuya phezulu: 1. Ivy Lottering 125:58.
1.Tayla Kavangh 57:01; 2.Carey Stanley 82:45; 3. Fazeka Hadebe 94:34.
1.Oxley Africa 1:31:38; 2.Jaap Willemse 1:37:01; 3.Thembalihle Zondi 1:40:00.
1.Pam Corlett 1:56:56; 2.Licia Willemse 2:01:14; 3.Colleen Mc Cann 2:05:03.