SIQOKIWE ESIZOMELA ELAKULELI KWI-CAA AFRICAN CROSS COUNTRY
IZOKUBE imelwe ngabasubathi abahlonishwayo iNingizimu Afrika kwiCAA African Cross Country Championships ezokuba ngomhla ka-1 kuNdasa (March) eLome, eTogo.
Phakathi kwabasubathi okubhekwe ukuba baphakamise ifulegi leNingizimu Afrika kulo mqhudelwano kukhona uGlenrose Xaba, uKesa Molostane ababe izingqwele zeSpar Women Challenge ngo2018 no-2019 ngokwehlukana.
Abanye ababhekiwe kukhona uThabang Mosiako, uPrecious Mashele, uNtsindiso Phakathi, uJenet Mbhele ukubala nje abambalwa okubhekwe ukuba benze kahle.
Indlela yabasubathi bakuleli abaya kulo mqhudelwano izoqala kwi-Athletics South Africa (ASA) Cross Country Trials azokuba ngomhla ka-18 kuMasingana (January) eHigh Performance Institute eNorth West.
Kule midlalo kuzokube kugaduli-swana kwi-6km kwiJunior Women, yi-8km (Junior Men) ne10km esigabeni esivulelekile kwabesilisa nabesifazane.
Abesilisa kumajuniya kufanele benze isikhathi esiwu-25:50 kuthi kwabesifazane kube wu-21:55. Esigabeni esivulelekile kwabesifazane kufanele benze isikhathi esiwu-36:05 kuthi kwabesilisa kube wu-30:50.
NeKwaZulu-Natal kayisalanga ngaphandle njengoba izokube imelwe ngabasubathi abaningi abasefomini enhle. Phakathi kwabo kukhona uJenet, uSanele noMasondo.
Selilonke iqembu leNingizimu Afrika lididiyelwe kanje: UPhemelo Ntoe, u-Andries Sesedi; uTapelo Mdala, uMatthew Forrester, uChris Mhlanga, uRikus Van Niekerk, uSiknanyiso Mtshwena, uNicholas Seopesengwe, uMzwamadoda Nonjiko, uJankie Molele, uKgadi Monyebodi, uSanele Masondo, uThemba Thingane, uPrecious Mashele, uPakiso Mthembu, uKabelo Seboko; uThabang Mosiako; uMoses Mahlangu; uNtsindiso Mphakathi; uMilton Kekana; uThabo Sebotsa, uNgconde Matwebu, uMaxime Caaumeton, uPhenyo Chidi, uBrendon Lentswe,
U-Anthony Timoteus, uTayla Kavanagh, uCara Du Preez, uCasey Bosman, uDipuo Mashamaite, u-Amber Rayners, uLyndi Roelofse, uNtokozo Gumede, u-Amogelang Tshabalala, uDanielle Verster, uKarabo Motsoeneng, uCarmie Prinsloo, uPrudence Sekgodiso, u-Aviwe Hoboloshe, uGene Coetzee, uHlokomelo Sehlabi, uGlenrose Xaba, uKesa Molotsane, u-Aynslee Van Graan,
UKyla Van Graan, uFarida Zwane, uThobile Mkhize, uTyler Beling, uJenet Mbhele, uLee-Anne Blake, uNicole Van Der Merwe, u-Aynslee Van Graan noMarne Mentz.