KUKHONYA UMVOTI KWI-MOTSEPE LEAGUE
KUSAKHONYA uMvoti FC esicongweni seSouth African Football Association (Safa) KwaZulu-Natal ABC Motsepe League ededele amaphuzu amqoka idlala ngokulingana neZululand Warriors ngo-1-1 koweligi ngoMgqibelo ePrince Mangosuthu Stadium, oLundi.
Igoli leWarriors kulo mdlalo livalelwe enethini nguLindo Hlophe kwathi eloMvoti FC leza noNkanyiso “Small” Cibane obewuhlupho kulo mdlalo. IGWP Friends iphinde edume ngakho iguqisa iMilford ngo-2-1 koweligi ngoMgqibelo eWorkington Grounds, eThekwini.
Amagoli eFriends abekwe enethini nguSiyabonga “Dumbe” Ngceni noThabo Meko. INatal Rich Boyz (NRB) ithuse abaningi ibhudluza iX1 Experience ngo-5-1 ngoMgqibelo koweligi eMkhomaas Bissets Grounds.
Amagoli eNRB eze noSandile Mdletshe, uNcebo Shandu, kwathi amathathu eza noThamsanqa Biyela obenomdlalo omuhle kakhulu.
IKwaDabeka Sporting ibambane kwathula umoya neHappy Wanderers kuba ngu-0-0 ngoMgqibelo koweligi eSouth Coast Stadium, ePort Shepstone. Lo mdlalo yiwona obubhekiwe kulesi sigaba.
I-Durban FC iqoqe amaphuzu amathathu ishaya iMuzi King Masters ngo-2-1 koweligi ngoMgqibelo eSJ Smith Stadium, eThekwini. Amagoli eDurban FC eze noSakhile Mpungose kwathi elesibili lashaywa nguMlungisi Zuma. EleMasters lishaywe nguPhiwayinkosi Dladla.
I-Dynamos ishaye iNatal United ebukeka idonsa kanzima kulesi sigaba ngo-2-1 koweligi izolo ngeSonto ntambama eChatsworth Stadium, eThekwini.
Amagoli kulo mdlalo avalelwe enethini nguDiyo Sibisi noSetawu Rankoko kwathi elokubika ekhaya leNatal leza noNkululeko Mpanza.
Kulo mdlalo kubuye kwakhishwa ngekhadi elibomvu umdlali weNatal United uDino Shelembe okhahlele umdlali weDynamos okwenze yaqeda lo mdlalo ingasaphelele.
KwezeGladAfrica Championship, uThongathi FC luphinde lwalahla amaphuzu lubambana ngo-11 neTS Galaxy izolo ngeSonto ntambama KwaNdebele, eMpumalanga.
UMilton Dlamini osanda kuqokwa njengomqeqeshi omusha weFree State Stars, usivule kahle lesi sigqiki ezakhe ziguqisa iTTM ngo2-0 koweligi izolo.
Dynamos 2 , Natal 1; Wanderers 0, Dabeka 0; Juventus 0, Movers 0; GWP 2, Milford FC 1; Zululand 1, UMvoti FC 1; Rainham Sporting 2, Qwabe 1; Durban FC 2, Muzi Masters 1; Experience 1 ,NRB 5.
UMvoti FC 12 Summerfield Dynamos 12 Dabeka Sporting 12 GWP Friends 12 Happy Wanderers 12 Natal Rich Boys FC 12 Movers FC 12 Milford FC 12 Rainham Sporting 12 Durban FC 12 Muzi King Masters 12 Qwabe United 12 Natal United 12 Zululand Warriors FC 12 X1 Experience 12 Edendale Juventus 12 8 8 8 6 6 5 5 4 4 4 4 3 3 2 2 1 4 3 3 3 3 3 3 3 2 1 1 3 2 5 4 3 0 1 1 3 3 4 4 5 6 7 7 6 7 5 6 8 24 27 19 21 13 17 14 10 14 17 12 13 19 15 10 6 10 8 10 19 10 12 11 11 20 16 16 11 22 26 26 18 28 27 27 21 21 18 18 15 14 13 13 12 11 11 10 6