UGWETSHWE KANZIMA UMDLALI WE-RUGBY
KUPHELILE ngekusasa lomdlali ozakhele igama egijima kumaBhokobhoko, uMahlatse “Chiliboy” Ralepelle emuva kokuba egixabezwe ngeminyaka ewu-8 engazihlanganisi nalo mdlalo yinhlangano elwisana nezidakamizwa kuleli, iSouth African Institute for Drug Free Sport (Saids).
Esitatimendeni esikhishwe yiSaids izolo ekuseni, ithe i-Independent Doping Tribunal Panel ikhiphe isinqumo sayo ngezigaba ezimbili kuleli cala likaRalepelle.
“Umdlali kwatholakala egazini lakhe izinhlayiya zesidakamizwa esingavumelekile iZeranol‚ ngesikhathi ehlolwa mhla ka-17 kuMasingana (January) wango-2019,” kusho isitatimende.