UZIDANE UCHITHA EYOKUSHIYA I-MADRID
UCHITHA imibiko yokuthi angase ahlukane neReal Madrid uZinedine Zidane ( osesithombeni) ongumqeqeshi wale kilabhu yaseSpain ehlonishwa umhlaba wonke.
IMadrid ingase ingangeni esigabeni samaqoqo se-Uefa Champions League ngemuva kokuhlulwa yiFC Shakhtar Donetsk yaseUkraine ngo-2-0 ngoLwesibili.
Selokhu yagcina ukungangeni kulesi sigaba ngo-1997. UZidane uyayichitha imibiko yokuthi zingase zihlukane izindlela phakathi kwakhe nale kilabhu.
“Ngeke ngizibeke phansi izintambo. Kukaningi senza kahle, kodwa izinto ziyasiphika okwamanje. Vele ebholeni ziyakufica izivunguvungu. Nginesipiliyoni sokuphendula amatafula.
"Ngicabanga ukuthi abalandeli beMadrid abagcwele umhlaba wonke bayakwazi lokhu,” kusho uZidane.
Lo mqeqeshi ukhuluma ngesipiliyoni sempumelelo kufanele kwazise usenqobise le kilabhu iChampions League amahlandla amathathu. Usenqobe izinkomishi eziwu-11 nale kilabhu. IMadrid isihlabane ngeChampions League amahlandla awu-13.
IMadrid iqhathwe neSevilla koweSpanish La Liga ngoMgqibelo ngo-17h15 ekuhambeni.
Isiyonke imidlalo yeSpanish La Liga kule mpelasonto ihlelwe kanje:KUSASA NGOLWESIHLANU Athletic Club vs Celta de Vigo 22h00. NGOMGQIBELO Levante vs Getafe 15h00. Sevilla vs Real Madrid 17h15. Atletico Madrid vs Real Valladolid 19h30.
Cadiz vs Barcelona 22h00. NGESONTO Granada vs Huesca 15h00. Osasuna vs Real Betis 17h15. Villarreal vs Elche 19h30. Deportivo Alaves vs Real Sociedad 22h00. NGOMSOMBULUKO Eibar vs Valencia 22h00.
Eye-English Premiership ihlelwe kanje: NGOMGQIBELO Burnley vs Everton 14h30. Manchester City vs Fulham 17h00.
West Ham United vs Manchester United 19h30. Chelsea vs Leeds United 22h00. NGESONTO West Bromwich Albion vs Crystal Palace 14h00.
Sheffield United vs Leicester City 16h15.
Tottenham Hotspur vs Arsenal 18h30.
Liverpool vs Wolverhampton Wanderers 21h15. NGOMSOMBULUKO Brighton & Hove Albion vs Southampton 22h00.
EyeSerie A yase-Italy ihlelwe kanje: NGOMGQIBELO Spezia vs Lazio 16h00. Juventus vs Torino 19h00. Internazionale vs Bologna 21h45. NGESONTO Hellas Verona vs Cagliari 13h30. Roma vs Sassuolo 16h00. Udinese vs Atalanta 16h00. Parma vs Benevento 16h00. Crotone vs Napoli 19h00. Sampdoria vs Milan 21h45. NGOMSOMBULUKO Fiorentina vs Genoa 21h45.