AMA-FIXTURE NEZIMEMEZELO ZEZEMIDLALO
Edendale FLA NGOMGQIBELO EWadley Stadium: Amajitha vs Virtual Stars 15h00
KWAZISWA amakilabhu afuna ukuba yingxenye yalo soseshini ngesizini ka-2020/2021 ukuthi sekuqaliwe ukubhalisa. Imali yokubhalisa u-R600 iqembu ngalinye kanti amakhadi abadlali abiza u-R30. Izinkundla zokudlala iWadley neCaluza.
Imininingwane yokukhokha imi kanje: Account Name: Edendale, Bank (Nedbank), Account Number (25601501312) bese ire-ference kufakwe igama lekilabhu. Ayaziswa amakilabhu ukuthi ngeke yamukelwe imali ewukheshi.
Abafuna ulwazi bangashayela uSanele Vilakazi enombolweni ethi: 079 479 4490.
UMSAKAZI weZwi LoMzansi FM u-Andizo Mthembu wazisa ngomqhudelwano webhola lezinyawo labesilisa nabesifazane. Lo mqhudelwano ngowokuqala nonyaka ubizwa ngeSiyabangena. Uzokuba ngoMgqibelo nangeSonto ezinkundleni zemidlalo eQabavu, KwaMaphumulo.
Ngokusho kukaMthembu lo mqhudelwano ungenelwe ngamakilabhu awu-15 kubo bobubili ubulili. Uthi kuzokube kukhona abahlwayi bamakilabhu adlala kwiPremier Soccer League okungaMazulu, i-Arrows neTS
Galaxy kanti bazokube bekhona nabaphuma emakilabhini eGladAfrica naweMotsepe. Izingqwele zizohlomula ngo-R5000 ohambisana nejezi, indondo namamedali.
UMZILIKAZI Khumalo wabalandeli beOrlando Pirates oNdini, wazisa abathandi bale kilabhu ukuthi sezikhona izinhlelo zokubuka umdlalo wamanqamu weMTN8 ozodlalwa yiBucs neBloemfontein Celtic ngoMgqibelo ozayo eMoses Mabhida Stadium, eThekwini.
Kuzohlelwa omabonakude abakhulu khona oNdini. Lapha kumenywa namanye amaziko. Ulwazi oluningi luzokhishwa kwelangoLwesine oluzayo.