IZONANDISA NAMAQEMBU APHUMA ESIKOLENI SAYO IMAMBAZO
amaphoyisa emoyeni emuva kwesigameko lapho (amaphoyisa) edubule abulala uMnu Nkululeko Mkhize, obizwa ngosomabhizinisi.
UZimdollar obezwakala ukuthi udinwe uyaqhuma, ugxeke amaphoyisa ngokuthi avele adubule abantu nje bese ethi adubule ngoba abedutshulwa. Ubemi embuzweni wokuthi kungani wona amaphoyisa ahlale edutshulwa.
Ukhulume waze wathi “siyabona ukuthi ukhona umyalelo okhishiwe ukuthi akubulawe abantu kugcine kufa abantu abangenacala”.
Le nkulumo kaZimdollar isukumise ihhovisi elikhulu lamaphoyisa KwaZulu-Natal, laya oKhozini FM. UCapt Nqobile Gwala ukugxekile ukusetshenziswa komsakazo kugxekwa amaphoyisa “enza umsebenzi wawo”. Uthe akulona futhi iqiniso ukuthi kukhona umyalelo okhishiwe wokuthi kubulawe abathile.
IZOGABISA ngamaqembu atholakale esikhungweni sayo esingumahamba nendlwana iLadysmith Black Mambazo, ezobe inandisa okokuqala ngemuva kweminyaka eThe Playhouse, eThekwini kule mpelasonto.
Leli qembu elidume emazweni ahlukene emhlabeni jikelele, lizonandisa kusukela kusasa ngoLwesihlanu mhla ka-29 kuMandulo (September) kuze kushaye iSonto lomhla ka-1 kuMfumfu (October)
2023, njengoba lizobe lijabulisa abalandeli balo abangaphansi kwaleli dolobha namaphethelo.
Lo mcimbi uhambisana nomzungezo walo obizwa ngeSA
Legacy Tour lapho lihambela amadolobha ahlukene akuleli, linandisa futhi likhangisa nangamaqembu eliwavundulule esikhungweni salo esiwumahamba nendlwana esibizwa ngeLadysmith Black Mambazo Mobile Academy.
Lo mzungezo uqale eGoli eJoburg State Theatre njengoba usudlulela eThekwini. Usazohambela nakwamanye amadolobha okubalwa kuwo iCape Town nasePretoria.
USbongiseni Shabalala ongelinye lamalungu aqavile aleli qembu futhi oyindodana yomsunguli walo uSolwazi Joseph Shabalala, uthe emcimbini waseThekwini bazobe behambisana namaqembu okubalwa kuwo i-Africa Mamas yaseThekwini, Umzamo Young Boyz yaseMgungundlovu ne-Inkunzemnyama yaseMsinga, okungamaqembu avundululwe yilona leli qembu ngesikhathi lihambela izindawo ezahlukene, lithungatha ikhono ngaphansi kweLadysmith
Black Mambazo
Mobile Academy.
UShabalala uthe bahlose ukuqhubeka nokukhulisa lolu hlelo lokuthungatha amakhono njengoba bezimisele ukuhambela zonke izifundazwe kuleli.
“Sifuna umcimbi wethu nala maqembu ube sezingeni ukuze akwazi ukubona indlela okwenziwa ngayo kwamanye amazwe. Asifuni ukukhiqiza abaculi abazogcina kuleli kuphela, kodwa sifuna abazosabalala, bavule izimpiko kwibalazwe lomhlaba,” kusho yena.
Uthe njengeMambazo nayo yaqala yathokozelwa ngabantu bakuleli ngaphambi kokuthi iphumele ngaphandle.
“Ngakho nalaba esibakhiqizayo sifuna baqale bazakhele ugazi kuleli ngaphambi kokuthi babonwe ngamanye amazwe,” esho.
ILadysmthi Black Mambazo yiqembu eselike lahlabana nezindondo ezinhlanu zamaGrammy, libalwa njengelinye lamaqembu akuleli aphumelele emculweni njengoba selike lanandisa nenqwaba yezihlabani zakuleli naphesheya kwezilwandle.
Phakathi kwalabo baphesheya esebeka banandisa naleli qembu kubalwa uPaul Simon, uJosh Groban, uDolly Parton, uStevie Wonder, uMichael Jackson nabanye.
Amathikithi ale mpelasonto aseyatholakala ePick n Pay ngoR250.
Sifuna umcimbi wethu nala maqembu ube sezingeni ukuze akwazi ukubona indlela okwenziwa ngayo kwamanye amazwe...