ABALANDELI BANCONYIWE NGOKUMISA UMDLALO KULIMALA UZAKWABO
ABALANDELI beLeyton Orient egijima esigabeni esincane kwezikhokhelayo e-England bamise umdlalo ngoba befuna kusizwe umlandeli oshelele wawa enkundleni ngenkathi le kilabhu ibhekene neLincoln City koweligi ngoLwesibili ebusuku kulona leliya lizwe.
Kwenzeke lokhu nje, iLeyton ibihamba phambili ngo-1-0 wegoli elishaywe nguJoe Piggotts ngomzuzu ka-10.
Kusukume umlandeli oyedwa waya kumsizi kanompempe emcela ukuba bamise umdlalo kodwa wakushaya indiva lokho obekushiwo yilo mlandeli.
Abalandeli bebona ukuthi abanakwa, bavele bangena enkundleni baqonda emapalini bahlala phansi okuyilapho unompempe ekhethe khona ukuwumisa lo mdlalo.
Kwale ngisho abaqeqeshi bamakilabhu womabili bebanxenxa ukuba badedele umdlalo uqhubeke kwazise bese kusele imizuzu eyishumi ukuba umdlalo uphele kodwa kwafana nokuthi bathela amanzi emhlane wedada. Ngenkathi umdlalo usamisiwe, abosizo lokuqala baphuthume esisulwini ebesilimele bazama ukusihlenga. Lokhu kuthathe ihora lonke okugcine ngokuthi lo mdlalo umiswe.
Le kilabhu ikhiphe isitatimende iveza ukuthi lo mdlalo ngeke usaqhubeka. Ibonge abalandeli bayo ngokukhathalelana abakukhombise kuzakwabo owehlelwe wumshophi kulo mdlalo.
•Imidlalo ye-English Premiership engempelasonto imi
kanje:NGOMGQIBELO
Luton Town vs Tottenham 13h30. Fulham vs Sheffield United 16h00.
Everton vs Bournemouth 16h00. Burnley vs Chelsea 16h00. Manchester United vs Brentford 16h00.
Crystal Palace vs Nottingham Forest 18h30.
NGESONTO
Brighton vs Liverpool 15h00.
West Ham vs Newcastle 15h00. Wolves vs Aston Villa 15h00. Arsenal vs Man City 17h30.
* EyeSpanish La Liga ihlelwe kanje: KUSASA NGOLWESIHLANU Athletic Club vs Almeria 21h00.
NGOMGQIBELO
Cadiz vs Girona 14h00.
Real Madrid vs Osasuna 16h15. Mallorca vs Valencia 18h30. Sevilla vs Rayo Vallecano 21h00.
NGESONTO
Villarreal vs Las Palmas 14h00. Atletico Madrid vs Real Sociedad 16h15.
Alaves vs Real Betis 18h30. Celta Vigo vs Getafe 18h30. Granada vs Barcelona 21h00.