BANGASE BAVUMBUKE KWI-LEOPARDS ABAKHONJWA INDLELA
ABAQEQESHI ababili abasanda kukhonjwa indlela kumakilabhu aKwaZulu-Natal bangase bavumbuke kwiBlack Leopards egijima kwiMotsepe Foundation Championship.
lithole ngomthombo walo ukuthi u-Asanda Mvalo noDoctor Mkhonza bangase bathathwe yiLeopards ebihlalise uPeter Mponda esigqikini sokucija kule kilabhu esanda kuhanjelwa ngumqeqeshi emasontweni amabili edlule.
Uqhube wathi uMvalo usethintiwe yizikhulu zeLeopards kepha usadla amathambo engqondo kwazise nezinkulumo zokubuyela kwiMilford FC kazikaphothulwa.
UMkhonza ugcine ukusebenza kuMkhumbane Classic kaS’thembiso
Mabaso egijima kwiSafa KZN ABC Motsepe League.
IClassic igcine isivale ngoCyril
Mthembu isikhala sikaMkhonza.
“Yiqiniso ukuthi uMkhonza noMvalo bazovumbuka kwiLeopards. Ngenhlanhla sebevelile kwinhlolokhono yayo.
“Umndeni wakwaThidiela ( okuyiwona ongabanikazi beLeopards) uyikhonzile iKZN kwazise abadlali abaningi ubalanda kulesi sifundazwe kusuka kudala. “Bobabili bazimisele ngokuthatha lo mkhumbi weLeopards uma sekusayinwe izivumelwano. Futhi kubonakala bengakwazi ukwenza umehluko kule kilabhu edonsa kanzima kulezi zinsuku,” kusho umthombo.
* Kuzo ezeMFC, lihabule ukuthi noRonnie Gabriel ungomunye wabaqeqeshi abangase banikwe umsebenzi wokuhola iMilford FC. UGabriel akamusha kwezokuqeqesha kwazise wenza umsebenzi ofanayo kwiRichards Bay, uThongathi FC neSummerfield Dynamos. Kulindeleke ukuthi abaphathi beMilford FC bathathe isinqumo maduzane sokuthi banika baniithuba lokulola le kilabhu kuze kuphele isizini. Omunye okunuka igama lakhe uPapi Zothwane.
IN.B La Masia ixoshe uDelano Hendrick yalanda uDaine Klate obekwiChippa United.