UMQEQESHI UFAKWE UMGXALA NGEMIPHUMELA ENGEMIHLE
UFAKWE umgxala ngenxa yokuphikwa yimiphumela umqeqeshi weMuzi King Masters ezovovana inkani neMidlands Wanderers koweSafa KZN ABC Motsepe League ngoMgqibelo ngo-12h00 eHarry Gwala Stadium, eMgungundlovu.
ILANGA lithole ukuthi abaphathi beMasters bathathe isinqumo sokwehlukana noSiyabonga Mzila (osesithombeni) obengene esikhundleni sikaThabani “Fish” Khoza osekwiSummerfield Dynamos.
UMuzi Ntuli ongumnikazi weMuzi King Masters utshele
ILANGA ukuthi isizathu sokuthatha isinqumo sokumdedela uMzila yimiphumela.
Uthe babonile ukuthi uma beqhubeka nokusebenza naye kuzogcina sekuhambe isikhathi bese beyazisola.
“Yiqiniso ukuthi sehlukene noMzila. Sisazoqhubeka nabaqeqeshi abebevele bekhona besebenzisana naye uSdu Mbambo noSbusiso Mthiyane.
“Sikholwa wukuthi laba baqeqeshi bobabili bazokwazi ukulola ikilabhu ngendlela ngaphambi kokuqoka umuntu ofanele ukungena kulesi sikhundla.
“Ziningi izicelo ezikhona eziqhamuka kubaqeqeshi abanohlonzo. Sidinga umuntu osaziyo lesi sigaba ngoba isikhathi sesihambe kakhulu,” kusho uNtuli.
* Kuzo ezeMotsepe League, i-Ethekwini Coastal iqashe uNgcebo Muthwa obephethe iKZN Future Stars Academy ozojoyina ithimba labaqeqeshi.
* Isiyonke imidlalo yeSafa KZN ABC Motsepe League ihlelwe kanje:KUSASA NGOLWESIHLANU EPrince Mangosuthu Stadium: Njampela FC vs Hellenic 15h00.
NGOMGQIBELO ERoad-1016 Stadium: Summerfield Dynamos vs UMkhumbane Classic 15h00.
EDarnall Stadium: Asande
FC vs Stonebreakers FC 15h00.
EHarry Gwala Stadium: Midlands Wanderers vs Muzi King Masters 12h00; UMkhambathi FC vs Swayimane United 15h00.
EMpangeni Rugby Stadium: Oyzn Academy vs Durban Pioneers 15h00.
NGESONTO E-Edgewood Sports Grounds: Remax Address Friends vs UMvoti FC 15h00.
EMzisho Stadium: UMsinga United vs FC Chess 15h00.
EKandahar Stadium: FC Drakensberg vs Newcastle All Stars 15h00.
EGlebe Stadium: EThekwini Coastal vs Titanic FC 15h00.