Amathoyizi angalwenza ucansi luhlabahlose
Kumqoka nokwazi okumele ukuqikelele uma niwasebenzisa ukuzithokozisa
NJENGOBA ngathembisa engosini edlule ukuthi kuleli sonto sizokhuluma ngamathoyizi asekameleni, namuhla ngizogxila kuwona. Uma sikhuluma ngamathoyizi, sisuke sichaza izinto ongazisebenzisa ekameleni ukwandisa ubumnandi. Siyazi ukuthi abaningi bacabanga izinto ezimele izitho zangasese lapho sikhuluma ngamathoyizi.
Namhlanje sizokhuluma ngendlela yokuqala ukusebenzisa amathoyizi, siphinde sikhulume nangezinhlobo zawo (amathoyizi).
Abaningi abanesifiso sokusebenzisa amathoyizi bayesaba ukuqala le nkulumo kubantu abathandana nabo. Masisizane ngokuthi singaziqala kanjani lezi zinkulumo.
Khumbula ukuthi noma yimaphi amacebo esingabonisana ngawo, kodwa iqiniso lithi nguwena owazi owakwakho kahle. Lokhu kusho ukuthi nguwena ongakhetha kahle okunganisebenzela.
Khumbula ukuthi lokhu sikwenza ngesizotha, futhi ngendlela engenzi omunye azizwe kabi. Kubalulekile ukuba niqale ngokuxoxa ngapha-mbi kokuthenga amathoyizi.
Ukuxoxisana kungasho nokuthi lapho senivumelana, ningakhetha ukuthi yiliphi eningaqala ngalo. Ungasebenzisa le ngosi noma yini enye enemininingwane ngamathoyizi ukuqalisa le ngxoxo.
Kuyakhuthazwa nokuthi uyiqale lapho isimo sisihle ekhaya. Kuhle ukuqala ngokukhuluma ngalokhu okujabulelayo enkonzweni ngaphambi kokuba uzame ukufaka amathoyizi.
Khumbula ukukhetha isikhathi esifanelekile lapho wenza lesi sinqumo.
Njengoba bese sishilo ukuthi uma sikhuluma ngamathoyizi, kasikhulumi nje kuphela ngemifuziselo yezitho zangasese, kodwa sikhuluma ngazo zonke izinto ezingandisa ubumnandi ekameleni.
Masixoxe ngezibonelo ezimbalwa, siqale ngalezi okulula ukuzisebenzisa futhi esihlala sigqugquzela ukuba abantu baqale khona lapho bekhetha ukuqala.
IZINHLOBO ZAMATHOYIZI:
• Amadayisi:
Ngabe uyawazi yini la madayisi asekameleni ajwayele ukuhamba ngamabili?
Elinye liba nesitho somzimba elinye lisho okuzokwenziwa. Isibonelo, elilodwa lingathi qabula, elinye lithi umhlane.
Cabanga ukuthi lokhu kungaba mnandi kangakanani ukuzama izinto ezintsha ekamelweni. Lokhu kumnandi kakhulu uma ningabantu abajwayele ukuphindaphinda isitayela esisodwa ekameleni.
• Uphaphe:
Abesilisa ngokuvamile baba nezandla eziqinile okwenza ukuthi ukusebenzisa izimpaphe kube nomphumela omuhle nakakhulu ekuthintathinteni owesifazane. • Amakhadi: Anezinhlobo ezahlukene. Uma niliphendula niyaye nizame leyo nhlobo evelile, nizame ukwenza leso sitayela njenge-couple.
Le ndlela isebenza kahle kakhulu lapho nesaba noma ningazi ukuthi yiziphi izitayela eningazizama.
• Vibrating Penile rings: Lena imnandi nakakhulu ngoba inijabulisa nobabili ocansini. Abaningi abafisa amathoyizi bangaqala ngayo lapho beqala le nkonzo.
• Penile and clitoral stimulation: Lokhu kungasiza nakakhulu kulaba abangafiki kuvuthondaba lapho benza inkonzo, okuyinto evamile.
• Vibrator:
Abaningi kabawakhonzile amavibrator ngoba bakholelwa ekutheni abathathela isikhundla. Qikelela ukuthi nobabili ninombono ofanayo ngawo.
Uma nikhetha ukusebenzisa amathoyizi, qikelelani lokhu:
• Sebenzisa i-lubricant efanelekile kulelo thoyizi olisebenzisayo;
• Xoxisanani;
• Zamani elilodwa ngesikhathi;
• Uma ningawathokozeli, zamani uhlobo olwehlukile.
* Uma unesifiso sokusoka, uDkt Thabile Mthembu ukwenza mahhala lokhu kepha kumele ufone kuqala ukubhukha. Usebenzela eBlue Clinic, eMaxwell Centre ngaseCity Hospital, eThekwini. Utholakala enombolweni ethi: 031 309 1832. * Uyatholakala nasezinkundleni zokuxhumana ngala madilesi:Instagram: @the.blue.clinic Instagram @the_blue_clinic
@The Blue Clinic by Dr Thabile Youtube
@The Blue Clinic Dr Thabi