Owesifazane ugile izimanga engena unombolo 7 kwi-marathon
Ushiye olale isibili (kwabesifazane) ngamakhilomitha angaphezulu kuka-10
IBUYE nendondo yesiliva iKwaZulu-Natal emidlalweni yeSouth Africa National 10km Championships izolo ngeSonto eGoli.
Ngokusho kukaMthandeni Nene obeyimenenja yesikwati ebesithunyelwe kule midlalo yiKwaZuluNatal Athletics (KZNA), izingqwele kube ngosokhaya, iCentral Gauteng Athletics (CGA), yalandelwa yiKZNA.
Abasubathi besifundazwe abaphakamise ifulegi kube nguSibusiso Kubheka weXcel Running Club, ongene isithathu kulo mjaho onqotshwe nguBernad Seloyi ngo-29:43 ebekwe ezithendeni yimfivilithi, uKabelo Mulaudzi ngo29:50 kwathi uKubheka wenza u-29:56.
Umsubathi weKZNA uSiyabonga Ndlovu - obethembise ukwenza kahle kulo mjaho - ungene endaweni yesine ngo-30:23 kwathi uBongelani Mkhwanazi wavala indawo yeshumi. Bobabili laba basubathi bangaphansi kweBlack Diamond.
“Iqembu ebesihambe nalo lenze kahle kakhulu kulo mjaho obunzima. Liphumelele ukubuya nendondo yesiliva esigabeni esivulelekile kwabesilisa kanti bakhona nabanye abasubathi abenze kahle kwezinye izigaba. USimphiwe Zulu noMichael Ndlovu ngabanye babasubathi ababuye nezindondo. Siziqhenya kakhulu ngokwenza kahle kwabo,” kusho uNene.
Kwabesifazane, ingqwele kube nguGlenrose Xaba kanti ubebekwe ezithendeni nguKarabo Mailula kwathi uCacisile Sosibo walala isithathu.
Kusenjalo, uLindokuhle Sithole wePhantane Athletics Club noLoveness Madziva weHollywoodbets AC babe yizingqwele zoMngeni uThukela Water Marathon izolo ngeSonto eHowick.
ULoveness - osanda kubeletha ugile izimanga engena nabokuqala abawu-10 kuhlanganiswe bonke ubulili.
Lo msubathi usanda kumenyezelwa yikilabhu yakhe ukuthi uzokube engomunye wabazoyimela kwiTwo Oceans Marathon kanti ungene unombolo 7 ngo-2:52 uma kuhlanganiswa bonke ubulili.
Ubevule igebe lamakhilomitha angaphezulu kweshumi kuLisa Collett ongene isibili kwabesifazane ngo-3:26 kwathi uCaria V Huyssteen wathatha indawo yesithathu ebeka u-3:36.
Kwabesilisa uSithole uqophe u-2:32 kwathi uSimon Mkhize walala isibili ngo-2:34 elandelwa nguSkhumbuzo Mpanza owenze u-2:35. 1.Lindokuhle Sithole 2:32:52; 2.Simon Mkhize 2:34:44; 3.Skhumbuzo Mpanza 2:35:14. Ku-40 kuya ku-49: 1.Sithembiso Masikane 2:40:05. Ku-50 kuya ku-59: 1. Sandile Makhaye 2:59:54. Ku-60 kuya phezulu: 1.Quintin Braun 3:22:55.
Kwabesifazane esigabeni esivulelekile: 1. Loveness Madziva 2:52:22; 2.Lisa Collett 3:26:35; 3.Caria V Huyssteen 3:35:30.
Ku-40 kuya ku-49: 1.Lisa Collett 3:26:35.
Ku-50 kuya ku-59: 1.Pat Dammann 3:52:19.
Kwi-21km kwabesilisa: 1.Mandisa Kubheka 1:12:08; 2.Bongani Zwane 1:13:36; 3.Bafana Mkhwanazi 1:17:38.
Ku-40 kuya ku-49: 1.David Ashworth 1:24:17. Ku-50 kuya ku-59: 1.Zwelihle Ndawonde 1:29:14. Ku-60 kuya phezulu: 1.Andrew Fleming 1:20:37.
Kwabesifazane: 1.Zaheera Khan 1:40:58; 2.Tarryn Botha 1:44:55; 3.Jenna Staples 1:52:02. Ku-40 kuya ku-49: 1.Zaheera Khan 1:40:58. Ku-50 kuya ku-59: 1.Jen Patrick 1:56:48. Ku-60 kuya phezulu: 1.Kim Haigh 2:11:58.
Eka-10km kwabesilisa: 1.Tshiamo Maribe 31:36; 2.Andile Mtambo 31:52; 3.Africa Nene 32:37. Kumajuniya: 1.Samkelo Dlamini 36:15. Kwabesifazane: 1.Janene Carey 42:30; 2.Rafiloe Portia Karreebos 44:16; 3.Chiara Collett 44:27. Kumajuniya: 1.Chiara Collett 44:27.
Imiphumela yeSA 10km Championships kwabesilisa: 1.Bernad Seloyi 29:43; 2. Kabelo Mulaudzi 29:50; 3.Sibusiso Kubheka 29:56; 4.Siyabonga Ndlovu 30:14; 5.Chris Mhlanga 30:19; 6.Niel Van Der Merwe 30:22; 7.Tumelo Motlagake 30:28; 8.Andries Sesedi 30:33; 9.Awethu Nsotho 30:36; 10.Bongelani Mkhwanazi 30:43. Kwabesifazane: 1.Glenrose Xaba 33:00; 2.Karabo Mailula 34:35; 3.Cacisile Sosibo 35:52; 4.Li Mari Dekker 37:11; 5.Cornelia Joubert 37:24; 6.Lebogang Phalula Luthuli 37:41; 7.Hanlie Botha 37:49; 8.Kataza Shiphalana 38:14; 9. Carina Swiegers 38:25; 10.Lebo Phalula Mzazi 38:29.