Komphela: Umsebenzi uza kundithethelela
AKUKHO mathandabuzo, uSteve Komphela ngumqeqeshi okrelekrele futhi onobuciko obumangalisayo.
Emva kokubuya nelize kwiminyaka emithathu ayihleli kwiKaizer Chiefs, abanye abantu bambone uKomphela njengomqeqeshi ofanelwe ngamaqela amancinane.
Nakubeni izinto zingamhambelanga kakuhle kwiChiefs – kodwa uKhomphela uthi umsebenzi wakhe nguwo oza kumthethelela.
UKomphela noAlfred Ndengane bazuze amawonga kwiPSL emva kokuqaqamba kwinyanga egqithileyo. Lo nto yenzeka emva kokuba iCeltic ingabethwanga kwimidlalo emihlanu eyidlalileyo phantsi kukaKomphela owahamba kwiChiefs ngezipha zemicinga ngenxa yabalandeli ababemthiyile kakhulu.
Ukuqhuba kakuhle kweCeltic kumenze wanomkhitha kwakhona ebantwini kodwa akazimiselanga kuzithathela ingqalelo iintetha ezithi akakufanelanga ukuqeqesha amaqela amakhulu.
“Yindlela ababona ngayo leyo abantu. Andikhangeli mathuba ngoba ndiyasebenza. Soze uyifumane idayimane eSandton. Kufuneka ujonge okuhle – abantu abangafuniyo ke bakusoloko bejonga izinto ezimbi. Ndiza kwenza umsebenzi wam nokuba kukwiCeltic okanye kwenye indawo. Umsebenzi wam nguwo oza kundithethelela. Sisoloko sifuna ukuphumelela imidlalo yethu. Abadlali bam baqubisana nomdlalo ube mnye ngexesha kwaye bazimisele kakhulu,” utshilo uKomphela emva kokwamkela iwonga lakhe.
UKomphela yindoda engabambeleliyo kwizinto ezidlulileyo – kodwa kwincoko yakhe mvanje ikhona into ethi abadlali abasezingeni eliphezulu ngebawenza ngcono umsebenzi wakhe kwiChiefs kwaye abadlali abakhoyo ngoku abafani nabo wayesebenza nabo eNaturena. Ngoku uthi ukwiCeltic kwaye indlela asebenza ngayo akakayitshintshi.
“Zange ndiphozise maseko xeshikweni ndinikwa umsebenzi kwiCeltic ngoba xa ungumqeqeshi akufuneki uhlale ngaphandle kokuqeqesha ixesha elide. Ndisasebenza ngala ndlela yam iqhelekileyo,” utsho uKomphela.
ISiwelele, ehleli kwindawo yesibini emva kwiBidvest Wits, iza kuzama ukubethelela indawo yayo phezulu kwiPSL xa isamkela iMaritzburg United kumdlalo ozakube useDr Molemela Stadium ngo’15:00 ngeCawe. Imidlalo yePSL:
Bidvest Wits vs Polokwane City @ Bidvest Stadium, 20:00
Golden Arrows vs Chippa United @ Princess Magogo Stadium, 15:00; Baroka FC vs Orlando Pirates @Peter Mokaba Stadium, 15:00; Kaizer Chiefs vs AmaZulu FC @FNB Stadium, 18:00; Free State Stars vs Highlands Park @Goble Park Stadium, 20:15
Bloemfontein Celtic vs Maritzburg United @ Dr Molemela Stadium, 15:00; SuperSport United vs Black Leopards @Lucas Moripe Stadium