Izakuncedisa amaxhoba ase-enyobeni IBCM
INGCAPHEPHE kwiziko lika rhulumente elijongene nokukhangela izinto ezingangunobangela wokufa ugqirha Solomon Zondi uthi akukho zimpawu zibonakalisa ukunzakalisana ngokunyathelana kwindawo yentselo Enyobeni Tavern emonti. Ngelixa umzantsi Afrika usakhangela iimpendulo, ngesizekabani sobhubhane ogubungele ulutsha kwindawo yentselo Enyobeni Tavern, ugqirha Zondi uthi amaxhoba anomonzakalo ubonakala ebusweni kuba bebesiwa phantsi ngobuso.
Ugqirha Zondi ukutsho oku emva kokwenza uqhaqho kumashumi amabini ananye kwizidumbu ezibhubhele kwishwanguswa elehle kule ndawo yentselo ese Scenery Park emonti.
Ukwathe uninzi lwezidumbu bezindawo engezantsi, ngelixa ezo bazifumene kumgangatho ophezulu acinga ukuba zibekwe khona ngoonogada ebebezama ukubabeka kwindawo enomoya njengoko kulo mgangatho ungezantsi umoya ungangeni kakuhle.
Ugqirha Zondi uthi uyaqala ukubona intlekele efana nale, nevele yombatha abantwana abaselula, ekwathi nengozi yebhasi yonyaka ophelileyo noxa yayikwa yintlekele ajongene nayo wayesaziwa unobangela, kule isengumnqa eyona nto ibulele amaxhoba.
Abahlali abamelene nale ndawo yentselo bathi kudala bathi mayivalwe kuba abalali yingxolo ngeempela veki umculo ukhala kuze kuse, kube kugcwele ama-empty kuyo yonke indawo.
Umasipala ibuffalo City ithi bonke abo bazakungcwatyelwa phantsi kwawo abazukuhlawula mali yemingxuma yokungcwaba.
Lo masipala uthi inkonzo yesikhumbuzo yamaxhoba izakubanjwa ngomgqibelo wale veki siya kuwo, uze umngcwabo ulandele kwiveki ezayo, emva koko iintsapho ziyozingcwabela.
Nomzi wakwa AVBOB uthe uza kuncedisa zonke iintsapho ezidinga uncedo lokungcwaba kuba eyiqonda eyokuba ziintsana ezi, nebezingekabi naye umasigcwabane.
Inkulumbuso yempuma Koloni uoscar Mabuyane uthi la ndawo yentselo mayingaze iphinde ivulwe njengendawo yoshishina ngotywala.
Umabuyane ugxeke imithetho elawula ukunikezwa kwamaphepha mvume okukushishina ngotywlala kwiindawo ezihlala abantu esithi lowo ngumkhuba wokulukhuhlela ulutsha kwintselo.