Bakhungathekile ngabadobi abaminzile

AGCINE esezibambele mathupha amalungu omphakathi waseWungu ngaseNyoni, ethungatha abesilisa ababili bakule ndawo okuthiwa baminze bedoba izinhlanzi emfuleni, i-Matigulu, ngoMsombuluko ekuseni. Elayizolo lishone kungaziwa obekubambe isidumbu sikaMnuz Sihle Nxasane (28) nesomngane wakhe (elingakadalulwa igama kuze kube kubikelwa umndeni), okuthiwa baminze bezama ukuhlamba namanethi bewelela ngaphesheya komfula ngenhloso yokudoba izinhlanzi. Amanye amalungu omphakathi asola ukuthi laba badonswe yisilwane. THUMELA umbono ngalolu daba kuFacebook Kuthiwa umphakathi (Isolezwe), kuTwitter (@isolezwenews) noma bewuthungatha laba umqhafazo ku-45773. I-sms ibiza R1,50. ababili kusuka kwenzeke lesi sigameko, wehla wenyuka osebeni lomfula ngethemba lokuthi zizoqubuka izidumbu. UMnuz Thembinkosi Xaba obedoba nalaba abaminzile athe bangabangane bakhe, uthe usathuthumele uma ecabanga ngokubehlele. “Uma sidoba abanye bayahlamba bawelele ngaphesheya kusale ozobamba ipali lenethi nganeno. Kulokhu senze kanjalo bahlamba bobabili. Sebezophumela osebeni bavele bashona phansi kanyekanye sengathi kukhona into ebadonsayo. Ngithuke ngoma, ngaphuma emanzini ngagijima ngihlaba umkhosi ngokwenzekile,” kuchaza uXaba. Uthe ukudoba izinhlanzi kulo mfula, yinto abajwayele ukuyenza nabangane bakhe. Ozibize ngoninomncane kaNxasane, uNksz Fikile Mfeka uthe selokhu behlale osebeni lomfula kusuka ngoMsombuko ekuseni. “Amaphoyisa afike athungatha usuku lonke angathola lutho. Asitshela ukuthi azobuya namuhla (izolo) ekuseni, kodwa kuze kube manje awakabuyi. Sithole umyalezo kuthiwa athi aseyesaba ukuzocinga ngoba asola ukuthi yisilwane esibambe abafana. Lokhu kusihlukumezile singumndeni ngoba asisazi ukuthi senzenjani ukuze sibathole,” kuchaza uNksz Mfeka.

Okhulumela amaphoyisa KwaZulu-Natal uColonel Thembeka Mbhele uthe ithimba lamaphoyisa aseNyoni ophiko lwezokutakula (Search and Rescue Team), limatasa lithungatha abaminzile.