Sengathi uqale ngokugcinwa ngakho uLesufi
MHLELI: Kunesiphakamiso esihle esisanda kwenziwa uNgqongqoshe wezeMfundo eGauteng uMnuz Panyaza Lesufi (osesithombeni).
Wayehlongoza ukuba kube nezivivinyo ezifanayo kuGrade12 kungabibikho ukuhlolwa kwezikole ezizimele nokuhlolwa kwezikahulumeni.
Angiqale ngokuwushayela izandla umbono wakhe, muhle kakhulu kodwa iqiniso lithi abantwana ekugcineni kumele bakwazi ukuncintisana ezikhungweni zemfundo ephakeme ezifanayo. Kanjalo noma sebesebenza bazosebenza ezinkampanini nasezikhungweni ezizodwa. Kulindeleke ukuba babe sezingeni elifanayo uma sebesendaweni yokusebenza. Ngisola sengathi ungqongqoshe uqale ngokugcinwa ngakho. Ngaphambi kokuba kube khona ukuhlola kukhona ukufunda. Lezi zinto zombili ziyahambisana.
Esikuhlolayo kumele kuhambisane nokufundisiwe, nendlela okufundiswe ngayo. Kunemibuzo embalwa esidinga ukuyiphendula. Ngabe bonke abantwana bafunda ezikoleni ezisezingeni elifanayo? Ngabe bonke bafundiswa wothisha abakulungele ngokwanele ukwenza lowo msebenzi? Ngabe izinsizakufunda ziyafana? Uma impendulo kungu cha kweminye yale mibuzo, kusho ukuthi kuningi esisadinga ukukulungisa. Iqiniso lithi kunokukhulu ukungalingani ezikoleni ezizimele nezikahulumeni. Ezikoleni zikahulumeni kushoda othisha abakulungele ukufundisa izifundo ezithathwa njengeziwukhiye.
Sidinga ukuqala silungise lokhu engikubale ngenhla. Uma sekulungile sesingakhuluma-ke ngokuhlola abantwana ezingeni nangendlela efana ncimishi. Ungqongqoshe ufuna ukweqa eminye imithetho emikhulu elawula ukuhlola okufundiwe. Kuleyo mithetho kunothi