Iseqophelweni eliphezulu yize incanyana
KUNESISHO sesiNgisi esithi izinto ezinhle zitholakala ezintweni ezincane. Lesi sisho sichaza ukuthi ukuba nkulu kwento akusho ukuthi iseqophelweni eliphezulu kodwa nento encane ungayithola isezingeni eliphezulu okwedlula into enkulu.
Ngicabanga ukuthi singena khaxa kwiMazda 2 Individual Plus 1.5 Auto ngoba wumncanyana wemoto kodwa iqophelo layo liphezulu kakhulu lishiya ngamalengiso inqwaba yezimoto.
Le moto itheleke ngo-Ephreli lokhu okwenza amaMazda 2 asemakethe abe yisikhombisa okukhona kuwo neMazda2 Hazumi 1.5L DE Auto enezinto eziningi njenge-Individual Plus.
Phakathi kwezinto enazo zihlanganisa iShark-fin antenna, izibuko ezigoqeka ngebhathini, Heads-up Display, izihlalo zesikhumba, ama-airbag aseceleni namaCurtain Airbags, Rear parking sensor futhi inekhamera eveza ingemuva uma uhlehla kwitouch screen engu-7 inch neLane Departure Warning System ebanga umsindo uma usuphuma emzileni.
Baphinde bethula imibala emisha okungu-Ertenal Blue Mica noDeep Crimson Mica. Ebengihamba ngayo ibinombala omuhle omhlophe okuthi uma uselangeni ube ngathi uyacwebezela.
Ngaphambili ushaya ngama-fog lights eLED.
Inamarimu angu-16 inch Alloy wheels, amalambu azikhanyelayo uma kumnyama, navigation, auto airconditioning.
Inenjini kaphethroli engu1.5 litre enamandla engu-82 kW netorque ka-145 Nm.
Ishaya ngegiya elizishintshayo kodwa uma uthanda ulishitsha wena kuma-paddle shifts. Lo mncanyana uhamba kamnandi emgwaqeni futhi ngiwubona kuyimoto ekahle uma ufuna imoto encane kodwa ephuma nezinto eziningi. Intengo Mazda2 Individual Plus 1.5L Auto – R286,200 (Incl VAT) Iphuma ne-warranty yeminyaka emithathu, iroadside assistance yeminyaka emithathu, iservice