Kuzonwetshwa iMax’s Lifestyle yobumnandi

NJENGOBA sekudlule isiphithiphithi seVodacom Durban July, sekuzoqala ukunwetshwa kwendawo yobumnandi eMlaza, iMax’s Lifestyle.

Umnikazi wendawo, uMax Mqadi, uthe ukulungiswa kuzoqala ngoJulayi 20.

Uthe bazonweba indawo yokuhlala phansi neyezicukuthwane, iVIP wathi bazophinde benze i-paving endaweni yokupaka izimoto.

Le ndawo inwetshwa nje akukapheli sikhathi esingakanani kwakhiwe indawo yokuwasha izimoto neMax’s Lifestyle Auto Spa eteketiswa ngeNkandla.

“Kuzobakhona ukuphazamiseka kwabantu kancane ngoba kuzovalwa uhhafu wendawo uma kusalungiswa kuthi uma kuqedwa bese kuvalwa omunye. Inkandla yiyona ezobe isetshenziswa kakhulu nohhafu oyobe uvuliwe,” kusho uMax.

Ugcizelele ukuthi kuzobe kungavaliwe thanqa eMax’s Lifestyle futhi kuzobe kusetshenzwa. Uthe uma eseqedile ukunweba iMax’s Lifestyle uyobe esebheke ukwakha ihhotela.

“Indaba yehhotela sekuyoba ngeyonyaka ozayo,” kusho uMax.

Ihhotela lizoba namagumbi alinganiselwa ku-25 nendawo yokuba nemicimbi noma imihlangano.

NgeSonto impelasonto yeDurban July isongwe ngomcimbi iDurban July Wrap Up Party obekungoka-10 ikhona.

Abantu bebephume ngobuningi babo kanti uMax uthe badayise amathikithi angu-4 500.

“Umcimbi uhambe kahle kakhulu abantu beziwinela ama-plasma screens noR10 000 eStandard Bank. U-Cassper noSomizi bakwabajabulise abantu,” kuchaza uMax.

Umbono wokwakha ihhotela uMax umfikele ngesikhathi kusaphethe uMike Sutcliffe njengemenenja kamasipala weTheku.

KUGXEKWA UMSAKAZI OBIZE UZUMA NGOMKHOVU

Mfanafuthi Jika Pantsula Nzuza: Umengameli unebhadi nokungenadosi kuyatinyela nje kuyena. Hhayi akulutho kodwa uKhisimusi wabo nabo abazitike.

Thulani Vusumuzi: Webantu basemhlabeni ave kubalulekile uma niphawula nibheke nani ukuthi aninyatheli abanye obhozo. Asingacwasani. Le nto eyenziwe yilo mfo angiyamukeli mina. Okokuqala umuntu omdala ngafundiswa ukuthi ngimhloniphe ngiyamazi angimazi akusho lutho futhi aze athi isilungu esikhulunywa umengameli sigwegwile phela naye leso silungu akusona asincela, ulwimi lwezifiki.

ULIBOFUZO LUVUNE UMANYISA KWELENGANE

Mbongeni Shezi: Ucishe wondla ibhomu. Kungaba ngcono osisi abasulela abanye ngezingane kube nesijeziso abasitholayo bangavele bayekwe nje. Kodwa nani bantu besilisa niyahlupha ngokuhamba nilala nje, anizame ukuzihlonipha.

Jabulani Javasi Mbatha: Kahleni bo ngoManyisa ningamsukeli nje ngoba lo mama wengane kwaqala yena wadumisa amanga wathi unengane noManyisa leyo ndaba yaze yafika nakulo Isolezwe mina ngithi wenze kahle (ngokuphumela obala). UVALO NGEMALI EQOQWAYO E-GLEBE Mbongi Dlamini: Laze layinkinga nali ihostela. Kazi ubani oyolungisa lezi zinkinga ezibhekene nalo. Goqozile Ndwandwe: kumele isukunyelwe. Indaba yaleli hostela