Ingcindezi kubaqeqeshi bawaseFree State
kokuthi kungaphumelelanga ukuqasha uLuc Eymael obesule kuPolokwane City, walandelwa yicala. UJelusic, owayengumdlali wasemuva ngezikhathi zakhe, uneUefa A Licence nePhD kwiPhysical Education ayithole e-University of Belgrade. Wayeqeqesha iqembu lesizwe laseBotswana kusukela ngo-2004 kuya ku-2006. Ufike eBotswana ngo-2002 kodwa wagcina esegxile ezinhlakeni zokuthuthukisa ibhola. Ngo-2001 wawina iSuper Cup e-Angola ne-Interclube.
Isikhulu esiphezulu kuCeltic, uKhumbulani Khonco, sikhiphe isitatimende esithi: “Uma sibheka indlela esenze ngayo ngesizini edlule. Sesigxile ekulakheni kabusha iqembu.”
UJelusic ulandela ezinyathelweni zikaPeter Bulter wase-England obeqeqesha iqembu lesizwe laseBotswana oqashwe yiPlatinum Stars, kulabo bangaphandle abasha abazobonakala kuPrermiership ngesizini ezayo. Unengcindezi yokubuyisa izinsuku zenjabulo kubalandeli beCeltic abangakufihlanga ukujabha kwabo ngokuthi iqembu labo liqede endaweni ka-12 ku-log yePremiership.
Ngasohlangothini lweStars uTroughton, ozosizana noSelaotse “Sly” Mosala, owayeyiphini lakhe ku-University of Pretora, kulindeleke ukuthi abhukule ahlanganise iqembu elizokwenza kangcono kunangesizini edlule lapho liqede khona endaweni ka-14 ku-log. I-Ea Lla Koto ibikade ihlukaniswe ngamagoli neBaroka egcine idlale kuma-Play Off.
Imenenja yeStars, uRantsie Mokoena, esitatimendeni ithe: “Iqembu liqashe uSammy ngoba wake wasebenza lapha futhi uyalwazi usiko lweqembu. Siqoke ukuqasha umqeqeshi wasekhaya kunowaphesheya ngoba sesisifundile isifundo ngabaqeqeshi bangaphandle – akukho esikuzuzile ngabo.”
Khonamanjalo izolo ntambama kuvele ukuthi u-Eymael bagcine bevumelene nePolokwane City ukuthi kuhlukwane ngemuva kokuphoqwa yikomidi lamacala lePSL ukuthi abuyele kuyona.