Kugiya Uzalo ngababukeli abaningi
SELUPHINDE lwabuyela esicongweni sokuba wumdlalo obukwa kakhulu eNingizimu Afrika Uzalo.
Lo mdlalo odidiyelwe KwaZuluNatal, ukhonjiswa ku-SABC1 ngo8.30 ebusuku phakathi nesonto.
Ucwaningo olwenziwe yiBroadcast Research Council of South Africa (BRC) luveze ngokusobala ukuthi Uzalo luyintandokazi yomdlalo kuleli njengoba lunababukeli abangu-8 615 823. Endaweni yesibili kukhona iGenerations: The Legacy enababukeli abangu-8 394 947.
Ezinyangeni ezintathu zokuqala konyaka Uzalo yilona obeluhamba phambili lwagudluzwa yiGenerations ngo-Ephreli nangoMeyi njengoba seluphinde lwabuyela.
Endaweni yesithathu kukhona iSkeem Saam ngababukeli abangu-7 165 635.
Ku-SABC2 khona umdlalo ohamba phambili uMuvhango ngababukeli abangu-5 413 577. Endaweni yesibili yiLotto ngababukeli abangu-4 573 311.
Isidingo yisona esihamba phambili ku-SABC3 njengoba sibukwa ngabantu abangu-1 457 084. Umdlalo owuchungechunge iThe Bold And The Beautiful yona isendaweni ka-20 ngababukeli abangu-465 067. Ku-e.tv imidlalo ebukwa kakhulu yileyo ewuchungechunge okuyiScandal! esinababukeli abangu-4 388 685. IRhythm City ngakolunye uhlangothi ibukwa ngu-3 561 978.
Igazi yilona elihamba phambili kuMzansi Magic ngababukeli abangu-1 168 240, lilandelwe yi-Our Perfect Wedding ngababukeli abangu-1 158 984.
Isikizi enababukeli abangu-640 615 isendaweni yesishiyagalombili.
Nakuba bekunezinkulumo ngale midlalo ababukeli bekhala ngokuthi idlala kakhulu iziqephu zobuthakathi kodwa isabukwa kakhulu.
Uthando Nesithembu, isizini yalo yokuqala ephele ngeledlule, iyona reality show ebihamba phambili ngababukeli abangu-692 793.