Athengwa ubuthaphuthaphu ama-CX3
ezine okuyi-Active, Dynamic ne-Individual ne-Individual Plus.
Ngaphezu kwamanye amaCX-3, i2.0L Individual Plus iphuma nezinto eziningi njengeSmart City Brake Support ngakwezokuphepha, Adaptive LED Headlights, Lane Departure Warning, Driver Attention Alert neBlind Spot Monitoring.
Ngiyithandile eyeLane Departure Warning njengoba kuthi uma uphuma emzileni ivele ibange umsindo.
Ngaphandle ifika nemibala emisha okuwu-Eternal Blue Mica noMachine Grey Metallic, okuwumbala webengiyishayela.
Ine-G-Vectoring Control (GVC) esiza ukuthi imoto ibambelele kangcono emgwaqweni kanjalo nokuthi ibe ntofontofo.
Ishaya ngesunroof, Head Up Display, izihlalo zesikhumba, inkombandlela, ikhamera ekuvezela ingemuva uma uhlehla, ukwazi ukuxhuma iselula nge-bluetooth bese uyilawula ngamabhathini asesiteringini futhi ifaka ama-USB amabili.
I-screen sayo senza ibe yinhle ngaphambili ngoba amabhathini amaningi awekho.
Lokhu kugcwalisele okuphuma kwezinye izinhlobo njengealarm, cruise control, izibuko ezivalwa ngebhathini. Iyazicisha erobhothini, hill launch assist, amalambu azikhanyisayo uma kumnyama kanjalo nama-wiper azishayayo uma lina.
IMazda CX-3 iyisingeniso ezimotweni eziphakeme kwaMazda njengoba iyiCompact SUV nje. Kungicacele ukuthi inhle kakhulu kwabesifazane njengoba iningi labayibonile bavele bayithanda babuza inani.
Injini yayo ingu-2.0L efuqa amandla angu-115kw ne-torque ka-204. Inamagiya ayisithupha azishintshayo. Uma ufuna iwakhiphe wonke amandla uyifaka ku-sport bese uyizwa ilinyusa ngokushesha ijubane uma unyathela amafutha.
Angibasoli abantu abayithengayo le moto njengoba isezingeni eliphezulu. Uma uyibuka ngaphandle iyimoto enkulu kodwa uma usungene ngaphakathi ngathi ushayela imoto encane futhi okulula nokuyipaka. Inani R380 600 (Incl VAT) Iphuma ne-warranty yeminyaka emithathu, i-roadside assistance yeminyaka emithathu, i-service plan yeminyaka emithathu ne-corrosion warranty yeminyaka emihlanu.