Abazalwane mabalwe ngomkhuleko
PITSO MOSIMANE MHLELI: Ngaze ngaphatheka kabi kuleli sonto mayelana nokutholakala kwesidumbu somuntu eTete KwaDukuza eduze kwesitobhi eSondweni.
Ngilimale kabi emoyeni ngafisa ukwazi ukuthi sinabafundisi abelapha abantu nabenza izimangaliso la ezweni esikulo kodwa ukufa komuntu abakuhlaseli kona ngezimangaliso abaziphiwe nguNkulunkulu.
Ungumfundisi osiza abantu ekulimaleni, ekuhambeni ngezinqola zabangakwazi ukuhamba, uthandazela umuntu avuke esesondele ekufeni nokusiza umuntu ekutholeni umsebenzi kodwa ukufa kwabantu kuyaqhubeka ezweni esikulo kodwa kunabefundisi abenza konke lokhu okungenhla.
Nakuba uSathane udansa ezweni likaNkulunkulu nje thina asihlobene naye, sizibiza ngabazalwane, ngabasindisiwe noma ngabakholwayo kodwa kuhamba abantu ezindaweni esikuzo ngoba ingekho yini indlela nathi ngegiya likaNkulunkulu silwisane ngalobu buSathane obenzeka cishe njalo ngosuku ezweni lethu na?
Bazalwane ngoba ngempela singeke sahlangana siyokhuleka lapho okutholakala khona umuntu noma ingane ibulewe yalahlwa lapho?
Ungumzalwane, ufunda incwadi engcwele kaNkulunkulu, uphuma la emnyango njalo kukugqamele ukuthi konke okwenzayo, ukwenza emakhoneni, ukwenze kwamanye amazwe noma ukwenze ebusuku. Kodwa konke kukulindile ngale kwethuna futhi uyokufica kukulindile futhi kokugqamela konke okubi obukwenza emhlabeni kaNkulunkulu.
Nginesicelo kuwo wonke umzalwane ukuba akhuleke lapho okutholakale khona umuntu ebulewe ukuba ababulali batholakale. UNkulunkulu ukhona, uyaphila, konke okwenzeka ezweni lakhe angakuthandi ulindele thina esizibiza ngabakhe ukuba kube nesikwenzayo ukumlwisa ekuqedeni lobo buSathane.
Kubalulekile mphakathi ukusiza amaphoyisa ezindawo zethu ngobusathane obenzeka kuzona. Wemuntu waseNingizimu Afrika mhla ufa ngeke kufane yini nokuthi kufe isilwane emgwaqweni sishayiswe imoto? Konke okwenzayo kuqonde konke kukulindile ngale kwethuna. Nkosinathi R. Ziqubu KWADUKUZA