I-The Queen izogadla ngabalingisi abanamava
KUSHE UCANSI EMCIMBINI KAMASKANDI EMABHIDA
Khanyile Prince Kwand: Yilaba bantu abangabangani ezinkundleni zokuxhumana, bahlela yonke le nto. Ungacabanga ukuthi kuyazixoxelwa ngokuthanda umculo kanti eceleni imikhuba yodwa.
Sphesihle Mmeli Shezi: Sekungabatshazwa nje ngoba into eqondane nomaskandi njengoba kwaziwa vele ukuthi umculo othathwa isinomikanjani. Iqiniso lithi le nto sihlezi siyibona kuyo yonke imicimbi oDBN July nakoHazelmere Dam kwi-jazz festival, angiyiphathi eyoFact Durban Rocks. Akungabi sengathi into entsha. ‘USUTHU NGEKE LUGAWULWE YIZEMBE’
Knowledge Buthelezi: AmaZulu yindawo yawo ihlathi. Nakanjani ngesizini ezayo azobe esehlathini.
Daluxolo Mthiyane: Kuyaziwa njena noma kanjani abuyela ehlathini AmaZulu bese uNomvete eyaliyeka ibhola.
Sanele Sangweni KwaCeza, KwaDamba: Aluthenge abadlali abaseqophelweni eliphezulu. Sanerh Ndoh Mbhelerh: Ngibona izembe lodwa mina. USISULU UVIVELA ESOBUMENGAMELI
Siya Dlamini: USisulu uyodidisa nje ayikho into ayingenela lesi sikhundla. Uthunywe isigungu sikaZuma.
Fezile Mngadi: Akayeke ukuvivela ukuba umengameli, thina sisamdinga njengongqongqoshe, umnyango wakhe awenzi umsebenzi oncomekayo. UMLINGISI uRami Chuene useveze ukuthi uzoshubisa izinto emndenini wakwaKhoza njengoba esezobonakala emdlalweni iThe Queen. URami uzolingisa indawo kaGracious kulo mdlalo okuzothi ngesonto elizayo uqale ukudlala izinsuku ezinhlanu, ngoMsombuluko kuya kuLwesihlanu, kuMzansi Magic. Enkulumeni abe nayo neSolezwe, uthe bekuyiphupho lakhe ukuba yingxenye yalo mdlalo yize kwaqala kwangaba lula ukuthola indawo azoyilingisa. “Kuzoshuba kakhulu, abantu bazosala bebambe ongezansi. Lo mdlalo ubalwa nehamba phambili e-Afrika, ngakho isinqumo engisithathile ngibona sengathi ngeke ngizisole ngaso futhi isona sinqumo esiphusile,” kusho uRami.
Uthe uzizwa ejabulile ukuba ingxenye yomdlalo njengoba indawo azoyilingisa kungekasomabhizinisi omnkantshubomvu.
“Ukufika kwakhe uzohlala edolobheni laseGoli futhi ufuna ukwaziwa ngokushesha ukuze aqhubeke namabhizinisi akhe. Inkinga ukuthi kukhona izinto ezizomphazamisa endleleni yakhe nabantu abangafuni ukusebenzisana naye,” kuchaza yena.
Uthe izinto kulo mdlalo zizoshuba uma uGracious, esefuna ukuthatha konke futhi esebenzisa indluzula.
URami ujoyina lo mdlalo nje kuke kwaba nokuqagela ukuthi uzolingisa indawo kabani kuwo. Iningi belicabanga ukuthi uzolingisa indawo yokuba unkosikazi kaBrutus, njengoba noShona Ferguson ake abuza ababukeli balo mdlalo kuTwitter ukuthi bangafisa alingise indawo enjani.
URami ujoyina lo mdlalo nje nensizwa eyazakhela igama emdlalweni iGenerations neGreed and Desire uThato Molamu, izoba yingxenye yawo.
UThato uzolingisa indawo kaBakang, ongumshushisi.
Omunye ozophinde abonakale okwesibili njengoba ekade esayamalele kulo mdlalo uMagic Hlatshwayo, olingisa indawo ka-Alpheus, onguyise kaKwanele (Kay Sibiya).