UMORTON UBANGWA AMA-AGENT ADUMILE
ISIKHULU saMaZulu FC uLunga Sokhela siyale umdlali omusha woSuthu uMichael Morton osayine ngemuva kokushiya iSuperSport United ngokuthi alungise zinto zakhe. Lo mdlali kubhekwe ukuthi afike enze umehluko enkabeni yenkundla kuMaZulu.
USokhela uqinisekisile ukuthi uMorton ubangwa yizimenenja ezidumile uMike Makaab weProSport International noSteve Kapeluschink.
“Yebo sikhona isixakaxaka esikhona ngodaba lukaMorton nabamphethe. Kumqoka futhi ukuthi lolu daba asheshe alulungise ukuze sikwazi ukugxila ebholeni. Nokho indaba yombango wakhe ngeke isiphazamise ngoba thina sesiqede yonke into nomdlali. Yena kumele alungise impilo yakhe,” kusho uSokhela.
UMike Makaab uveze ukuthi lo mdlali ungowakhe kodwa akafuni ukukhuluma ngombango. UKapuleschink yena unqabile ukuphawula ngalolu daba. Usuthu luphansi phezulu namalungiselelo okuqinisa iqembu azogadla ngalo ngesizini ezoqala. “Okwamanje ayikho imibandela eqinile esisayibekele umqeqeshi (uJoey Antipas). Into esiyibhekile yiqembu eliqinile elizokwazi ukumelana nengcindezi yokudlala esigabeni esikhulu. “Abantu kumele bakuqonde ukuthi sizolwa ngayo yonke indlela ukugcina indawo yethu esigabeni esikhulu,” kusho uSokhela. USuthu lusayinise uJabulani Ncobeni, Mhlengi Cele, Sduduzo Dlamini, Siyethemba Mnguni, Siyabonga Mbatha, Ayabulela Konqobe, Boalefa Pule, Morton noSadat Akoriko. Usuthu lusanda kuphumela obala ngesifiso salo sokuthenga uBongi Ntuli osemabhukwini eMamelodi Sundowns. “Abadlali esinabo engibathembayo ukuthi bazokwazi ukuyibamba ishisa. UNtuli