Amazwe adembesele kolokuncelisa ibele

ubisi lwebele emhlabeni wonke, eligujwa kusukela ngo-Agasti 1 kuya ku-Agasti 7.

Babheke amazwe angu-194, bathola ukuthi zilinganiselwa ku-40% kuphela izingane ezingaphansi kwezinyanga eziyisithupha ezinceliswa ubisi lwebele kuphela.

Ngamazwe angu-23 kuphela anemigomo yokunceliswa kwezingane ibele kuphela.

Imiphumela yaphambilini ikhombise ukuthi ukuncelisa izingane ubisi lwebele kunomthelela omuhle wezempilo ezinganeni nakomama. Ukuncelisa ibele kubaluleke kakhulu ezinyangeni eziyisithupha ingane izelwe njengoba kusiza ekunqndeni isifo sohudo ne-pneumonia, okuyizifo ezivame ukubulala izingane.

UMnuz Anthony Lake, oyisikhulu esiphezulu se-Unicef, uthe ukufaka imali ekugqugquzeleni omama ukuthi bancelise ibele yindlela eshibhile engasiza amazwe ukuthi avikele ikusasa.

Umbiko uveze ukuthi ukuhluleka kwamazwe okubalwa kuwo iChina, India, Indonesia, Mexico neNigeria ukuthi afake imali ekugqugquzeleni ukuncelisa ibele, kuholela ekufeni kwezingane ezingu-236 000 ngonyaka.

Khonamanjalo, uNgqongqoshe wezeMpilo kuzwelonke uDkt Aaron Motsoaledi usenxuse abantu bakuleli ukuthi basebenzisane ukugqugquzela omama ukuthi bancelise izingane ubisi lwebele.

Uthe ukuqinisekisa ukuthi izingane zinceliswa ibele akufanele kube umthwalo obekwa emahlombe omama kodwa kufanele kube wumsebenzi wawo wonke umuntu waseNingizimu Afrika.

“Ukuncelisa ibele kuyilungelo, akuyona into yabantu besifazane nomsebenzi womuntu wesifazane. Ukuvikelwa, ukugqugquzela nokwesekwa kokuncelisa ibele kuwumsebenzi wawo wonke umuntu,” kusho uMotsoaledi.

Umbiko weSouth African Demographic and Health Survey (SADHS), okhishwe kulo nyaka, uveze ukuthi sinyukile isibalo somama abancelisa izingane zabo ubisi lwebele lodwa zize zibe nezinyanga eziyisithupha.