Ayisadingi kushunwa iVolvo entsha iS90 R-Design
ASISEKHO isidingo sokuyisa emajiteni akushunele iVolvo S90 njengoba kwaVolvo sebekwenze kwaba lula ngokwethula izinhlobo zeR-Design.
Kulula ukuyihlukanisa iR-Design kunezinhlobo ezijwayelekile zeS90 ngoba yona i-sporty. Ngaphambili bayishintshe ubhampa, bayigaxa i-radiator grille entsha. Emaceleni izibuko ziphicwe ngesiliva. Ngemuva izinqawe bazifake kamnandi kubhampa omusha.
Inamarimu angu-19 inch alloy kodwa uma uthanda uyakwazi ukuyifaka u-20 inch noma u-21 inch.
Ngaphakathi ishaya ngezihlalo ezintofontofo zesikhumba zeNappa. Isiteringi zinebheji leR-Design.
Itholakala ngezinhlobo eziyisishiyagalolunye zemibala kuhlanganisa netholakala kuyo kuphela okuyiBursting Blue noPassion Red.
Abagcinanga ngokuyishuna kuphela kodwa baphinde bayenza ngcono noshesi ukuze ibambelele emakhoneni kangconywana uma kuqhathaniswa neS90 eyejwayelekile yona egxile kakhulu ekubeni ntofontofo. Nakhona kodwa lokhu abakuphazamisanga.
Ezinye izinto zayo ziyafana neS90 eyejwayelekile. Amanani
Volvo S90 T5 FWD R-Design Geartronic R718 300
Volvo S90 D4 FWD R-Design Geartronic R742 200
Volvo S90 D5 AWD R-Design Geartronic R822 900
Volvo S90 T6 AWD R-Design Geartronic R874 600
Zonke zifika ne-maintanance plan ye-warranty yeminyaka emihlanu noma ibanga lika-100 000km neTracker Connect.