Uhlelo olusha i-Ultimate Sports Show kwiMetro FM
‘MABAJEZE ABAVOTE NAPHIKISAYO’
Mancinza Nondaba: Asisekho isidingo sokubajezisa ngoba waphunyula uMengameli wami, into okumele ayenze ukuhlanganisa iqembu libe ileya ANC yakudala.
Noluh Mellisa Ntlangula: Bazobonwa kanjani njengoba kwakuvotwa ngokuyimfihlo.
Thula Vico KaMagaye: Kusho ukuthi kwakudlalwa ngathi uma kuthiwa ukuvota kuyimfihlo UKHALE NGAMABHADI UKOMPHELA
Qhoshangokwakhe Zenzele Biyela Wangempela: Ukube ubedlalela iMadumbe Cup ngabe ukuma semi final. Akageji kulezi ndebe zempuphu notshwala. Siyacela Bobby, sicela ivoti lokungabethembi ubuholi bakhe. Asisabuthembi ubuholi buka Komphela.
Mantobane Mthimbane: Akukho bhadi la akadlalise uMoon, akhiphe uParker. Okunye futhi akenze izinguquko emdlalweni kusakhanya, lizophela bhadi.
Thembela Thembelani: Hhayi kodwa sihle isiNgisi sakhe, uBonang uyamdinga ukuthi azohlela incwadi yakhe. AKAXOSHWE UMANANA -SISULU
Phumlani Muthwenyongo Langa: Indaba kaManana ayishiyelwe inkantolo ngoba ngathi sekuyindlela yokukhankasa nje.
KUZOGQANYISWA nabesifazane ohlelweni olusha lwezemidlalo kwiMetro FM oluzongena esikhaleni sobelushayelwa nguRobert Marawa.
UMarawa wayethula iMetro FM Sports@6 ngo-6 ebusuku ngoMsombuluko kuya kuLwesihlanu. UMarawa neMetro bahlukana ngasekuqaleni kwenyanga eyedlule.
Uhlelo olusha luzobizwa ngeThe Ultimate Sports Show (TUSS). Luzokwethulwa nguUdo Carelse ngoMsombuluko, uLwesibili, uLwesithathu nangoLwesihlanu. NgoLwesine luzokwenziwa nguMpho Maboi.
Uhlelo, ngokwesitatimende, luzobe lugxile kwezemidlalo ezehlukene. NgoLwesine uMpho uzobe egxile kakhulu kwabesifazane nomthelela abanawo kwezemidlalo.
Umphathi-siteshi weMetro FM, uSibongile Mtyali, uthe bajabule kakhulu ngohlelo lwezemidlalo olusha. “Abalaleli bethu bangalindela konke okuthinta ezemidlalo izinsuku ezinhlanu ngesonto,” kusho uSibongile. Uthe bayamemukela u-Udo emndenini wabo weMetro FM. “Ufika nolwazi olunzulu futhi angathatha uhlelo lwezemidlalo alubeke kwelinye izinga,” kusho uSibongile. Uthe bajabule futhi ngoMpho ukuthi uzongena ngoLwesine. Uthe bayathemba ukuthi uzokwazi ukumelana nale nselelo. Selokhu uMarawa ahamba, u-Udo noMpho sebake balubamba uhlelo lwezemidlalo ntambama. Isolezwe NgeSonto labika ukuthi kukhonjwa u-Udo ekuthatheni izintambo kuMarawa. Kuke kwaba namahlebezi okuthi uMarawa angase abuyele kuMetro kodwa uwachithile lawo mahlebezi. Laba bobabili bazoqala ohlelweni lwabo olusha ngokusemthethweni ngo-Agasti 21 ngo-6 kuya ku-7.30 ebusuku.