ISIKHULU SIVUMA INDUKU NGOBEGIJIMA KWI-CHIEFS
USIHLALO weCape Town City, uJohn Comitis, uvuma eyokuthi basindwe yizinyawo ngesitobha ebesigijima kwiKaizer Chiefs, uSiyanda “Magazi” Xulu.
UXulu (26) odabuka KwaMashu, eThekwini, usayine inkontileka yeminyaka emithathu neMaritzburg United ngesonto eledlule.
Ngaphambi kokusayina kwiTeam of Choice, ubekhonjwa kakhulu kwiCape Town City kwazise umqeqeshi wayo uBennie McCarthy uyazifela ngaye. UComitis exoxa neSolezwe ukubeke kwacaca ukuthi bebenaso isifiso sokusayinisa uXulu.
“Sisenzile isicelo sokusayinisa uXulu. Ungumdlali useqophelweni eliphezulu, nokho isicelo sethu sokuqala asizange sihambisane nemali abeyifuna. Ngemuva kwalokho sibuyele emuva sayokwenza isicelo esisha.
“Sithe sesibuya nesicelo esisha kanti usesayinile kwiMaritzburg. Simfisela inhlanhla lapho eya khona,” kusho uComitis.
UXulu unqamule inkontileka yakhe naMakhosi ngemuva kokuchitha isikhathi esiningi eshikisha ibhentshi. KwiChiefs walandwa ngenhloso yokuthi azovala isikhala sikaTefu Mashamaite kodwa umqeqeshi omusha weqembu uSteve Komphela uvele wangayingena indaba yakhe.
Ubesebenzisa u-Eric “Tower” Mathoho noLorenzo Gordinho. Uma kukhona olimele noma othole amakhadi ubesebenzisa uDaniel Cardoso.
“Kwesinye isikhathi ukuba nabadlali abaningi abaseqophelweni eliphezulu kuyalilimaza iqembu. Yize besithanda ukumsayinisa uXulu kodwa besizofakela umqeqeshi ingcindezi yokuthi akhiphe omunye umdlali esikimini bese edlalisa yena. Okunye esikubhekile wukuthi simi kanjani thina njengeqembu ngakwezezimali.
“Njengamanje kubukeka sesiqedile emakethe kodwa phela ngeke ngashaya phansi ngonyawo ngithi ngeke sisasayinisa ngoba iwindi lisavuliwe futhi ebholeni kwenzeka noma yini. Nokho ngoJanuwari uma sesilungiselela ukuyodlala kwiCAF Confederation Cup sizobheka ukuqinisa iqembu lethu ngomdlali wasemuva nangomgadli,” kusho uComitis. ikhanda uma sekufanele baqoke abadlali baKwaZuluNatal ngenxa yekhono elikhona.
“Kuzo zonke izifundazwe kuhlale kunzima ukuthatha isinqumo sokuthi yibaphi abadlali esigcina sibanike ithuba kulolu hlelo (Nedbank Ke Yona). Nokho kuba nzima kakhulu KwaZulu-Natal ngoba yona idlulele ngekhono,” kusho uMashaba.
Lo mqeqeshi ubambisana no-Owen da Gama, Khabo Zondo noMike Mangena ukuqoka abadlali.
Kubadlali abangu-18 abaseqenjini leKe Yona elizobhekana neSuperSport United, bathathu abaqhamuka KwaZulu-Natal. Kukhona uMduduzi Khumalo, ozozicija ne-Orlando Pirates, Njabulo Xulu (Ajax Cape Town) noZimele Zuma (SuperSport United). uZuma iTeam of Choice iqede kwi-Top 8 kabili, yaphinde yavika izembe kwi-Absa Premiership. Izolo, uZuma ubhale ekhasini lakhe le-Facebook ukuthi: “Namuhla ngisulile njengeMarketing and Communications Manager yeMaritzburg emuva kwamasizini amathathu nesigamu. Imininingwane eminingi izokwabelwa abantu abafanele ngesikhathi esifanele. Ngiyabonga ngothando kule minyaka. Okwamanje angikazi lapho ngiya khona kodwa impilo iyaqhubeka.” Ngokuhamba kosuku uZuma udalule ukuthi uthathe isinqumo sokwesula kwiTeam of Choice ngenxa yokuxineka emisebenzini ayenza eceleni. “Inhliziyo yami ibikade ingasekho eqenjini, kade ngingasathandi. Akukho okubi phakathi kwami nabaphathi. Empeleni usihlalo ungumuntu oqotho. Kodwa ngithathe isinqumo sokushiya ngenxa yokubambeka emisebenzini engiyenza eceleni nobekwenza kuphazamiseke isikhathi sokusebenza eqenjini. Ngibone ukuthi ngishinye ngoba angisenalo ugqozi lokusebenza kwiMaritzburg. Isinqumo sokushiya ngisithathe ezinyangeni ezedlule,” kusho uZuma.