Idayiswe kakhulu IMazda CX-5
IMOTO edayise kakhulu kwaMazda ngenyanga eyedlule kube yiCX-5 njengoba kudayiswe angu-342. ICX-5 entsha yethulwe emakethe maphakathi noMeyi wanonyaka. Iqhubeka lapho kugcine khona endala eyethulwa ngo-2012 njengoba kuyona bekudayiswa alinganiselwa ku-350 ngenyanga.
Ngaphambili igolozile nge-grille enkulu yase iba nekhala elithe ukucija. Phakathi kwezinto ezintsha eshaya ngazo ngamaLED headlights namalambu enkungu ngaphambili. Amalambu ungawabona emancane kodwa akhanya bha ungaze ucoshe inaliti ebusuku.
Inamarimu amasha angu-17 inch alloy wheels, USB kwiarmrest ephakathi nendawo ngaphambili kanjalo nezicabha ezizikhiyayo kwi-Active ehamba ngophethroli.
IDynamic yona inamarimu amasha angu-19 inch alloy wheels, izihlalo zesikhumba, nesihlalo somshayeli esihlelwa ngogesi. Kwi-Individual uthola izipikha ezingu-10 ezigqomayo zeBose, head-up display, isicabha sangemuva sivulwa ngebhathini, Smart City Brake Support (SCBS) neDriver Attention Alert (DAA). Inemibala emisha okunguSoul Red Crystal, okuwumbala omuhle webengihamba ngayo noMachine Gray Metallic.
Ngasezinjinini kukhona izinhlobo ezintathu okuyiSKYACTIV-G 2.0l no-2.5l kuphethroli kanjalo neSKYACTIV-D 2.2l kadizili. Injini engu-2.0l itholakala ngamagiya azishintshayo kanjalo nashintshwayo. I-2.5l kaphethroli ne-2.2l kadizili zona zitholakala ngamagiya azishintshayo.
IMazda CX-5 2.0l Active FWD Manual ne-2.0l Active FWD Auto zinamandla angu121Kw ne-torque ka-210Nm, LED headlamps, amafog lights eLED ngaphambili, amalambu azikhanyelayo ebumnyameni, amarimu amasha angu-17 inch, i-dual zone airconditioner, 7 inch display, MZD connect system, Bluetooth, Radio/ CD/ Aux/USB, USB ngemuva kwiarmrest, i-cruise control, izihlalo ziyagoqeka, Hill Launch Assist, idunyiswa ngebhathini, izipikha eziyisithupha, inamabhathini esiteringini, ama-wiper ayazishaya uma lina, i-handbrake yebhathini, ikhamera eveza ingemuva uma uhlehla futhi izicabha ziyazikhiya.
I-2.2 l DE Active Auto FWD inamandla angu-129kW netorque ka-420Nm. I-CX-5 Dynamic FWD Manual ne-2.0L Dynamic FWD Automatic kuphuma ne-smart advanced keyless entry, amarimu amasha, izihlalo zesikhumba nokunye.
I-2.5l Individual Auto FWD, okuyiyo engithole ithuba lokuyihlola, yiyona enamandla okuzedlula zonke njengoba ifuqa angu-143kW ne-torque ka-257 Nm.
Iphuma ne-sunroof, izipikha zeBose ezingu-10, ama-sensor ngemuva nangaphambili enza kube lula ukuyipaka njengoba ilula nje, iyakutshela uma kunemoto eceleni kwakho, iyakutshela uma uphuma emzileni njengoba ivele ibange umsindo.
Ngiqaphele nokuthi isiteringi siyazijikela uma ibona ngathi uyaphuma emzileni.
Lokhu akusho ukuthi ungayiyekela izenzele yonke into ngoba iyakutshela kwi-head-updisplay ukuthi bamba isiteringi. Iyakulekelela ukubhreka ngokushesha esiminyaminyeni, ine-navigation futhi isicabha sangemuva siyazivulekela.
Ngicabanga ukuthi ithangi layo lincane ngoba uma igcwele ikutshela ukuthi ingahamba ibanga elilinganiselwa ku-500. Uma uyishayela uyakwazi ukuyifaka kuSport.
Lapho ivele idumele phezulu futhi uma unyathela amafutha ingena ejubaneni ngokushesha. Emakhoneni iyanamathela kwazise idonsa ngawo womane amasondo.
Eyokugcina yiMazda CX-5 2.2l DE Akera AWD Auto ekhahlela amandla angu-129kW netorque ka-420Nm. Idonsa ngawomane amasondo. IneGVectoring Control esiza ekutheni imoto ibambelele kangcono emakhoneni. AMANANI Mazda CX-5 2.0L Active FWD Manual – R379,900 (Incl VAT) Mazda CX-52.0L Active FWD Auto – R391,900 (Incl VAT) Mazda CX-5 2.2L DE Active Auto FWD – R459,400 (Incl VAT) Mazda CX-5 2.0L Dynamic FWD Manual – R404,900 (Incl VAT) Mazda CX-5 2.0L Dynamic FWD Automatic – R416,900 (Incl VAT) Mazda CX-5 2.5L Individual Auto FWD – R491,900 (Incl VAT) Mazda CX-5 2.2L DE Akera AWD Auto – R557,500 (Incl VAT)