Ngincoma ubuhlakani komele ezikaMchunu enkantolo
MHLELI: Noma exolisile uMnuz Zikalala kodwa ake ngikhulume nomuntu omnyama ngoMnuz Thembeka Ngcukaitobi ongummeli osemusha njengoba nephepha lakho lifundwa yintsha. Le ncwadi yami ayingeni embangweni we-ANC ebanga ibhodwe eliconsayo kodwa ngichazwa yilo mmeli.
Wenzenjani uma ungummeli kufika abantu bethi bamele ecaleni lokubulala umfundisi nephoyisa ngoba ungummeli ohlakaniphile? Wenzenjani ungudokotela kufika umuntu olunywe yizinja zesakhamuzi ezimlume ethi uyagqekeza kanti ufuye izinja zamdlavuza?
Ummeli uThembeka Ngcukaitobi uqashwe abafake isicelo sokuchithwa kobuholi be-ANC eKZN. Ngithukile MHLELI: Ngikhathazwa yileli gama elisetshenziswa ukuchaza thina ma-Afrika elithi “blacks”.
Leli gama alingiphathi kahle ngoba nginenkolelo yokuthi ligqanyiswa ukuze lifihle abelungu ngokubabiza ngezindawo lapho bephuma khona njengoba sikhule benezindawo nezinto ababezisebenzisa bodwa ezazibhalwa kuthiwe “Europeans” kodwa manje alisasetshenziswa lelo gama sebebizwa ngama uma uMnuz Sihle Zikalala (osesithombeni) esethi ummeli uphikisana nomzabalazo. Angazanga ukuthi ukhuluma ngamuphi umzabalazo ngoba isiminingi imizabalazo lapha eMzansi. Ngiyamncoma ummeli ngobuchopho anabo nangobuchule bakhe uma ekhuluma enkantolo. Usezakhele ugazi ekubeni emncane ngeminyaka. Ulwazi lwakhe lusabalele futhi uyazethemba. Usenza sizigqaje thina bendlu emnyama nami ngingamqasha.
Abahambisana noMnuz Senzo Mchunu abenzanga le nto eyenziwa ngabaholi uma beboshelwe ukukhohlakala. Bavele bathathe abameli abamhlophe, bamaNdiya noma amaKhaladi. Uma usumgxeka, umjivaza ngoba wake wamela i-EFF nezinye izinhlangano lokho akuvezi yini ubuntwana kwezepolitiki? Nangu uMnuz Comfort Ngidi umele uMnuz Berning Ntlemeza ngoba kuyibhizinisi lakhe naye.
UMengameli Jacob Gedleyihlekisa Mhlanganyelwa Zuma uke wamelwa nguMnuz Jurgen Prinsloo, untamolukhuni, owamela ababulali bakaMnuz Chris Hani kodwa akashongo lutho uZikalala. Ubuhlakani bukaMnuz Ngcukaitobi bungenza ngifise sengathi indodakazi yami ingashaya kanje kwezomthetho.
Lo mmeli uyisibonelo esihle kinina bantu abasha enisemanyuvesi. Bakhona abameli bezinye izizwe abashaya bajubalale ezinkantolo njengalaba: Kessie Naidu, George Bizos, Pravin Sham, Priscilla Jana, Thumba Pillay, Vernon Berrange, Norman Arendse, Sydney Kentridge, Yunus Mohammed, Arthur Chaskalson, John Wills, John Jeffreys kanye noZac Yacoob.
UMnuz Ngcukaitobi noma angaba kuliphi iqembu, uma engeke aphazamiseke yizimo zomthetho, uzothatha izintambo nezevatho zomthetho kubameli esiziqhenya ngabo okungoVictoria Mxenge, Linda Zama, Mojanku Gumbi, Thuli Madonsela, Gugu Baqwa, Yvonne Mokgoro, Sisi Kampepe, Mlungisi Mxenge, Dikgang noTiego Moseneke, Pius Langa, Bheki Mlangeni, Bheka Shezi, Bulelani Ngcuka, Vusi Pikoli, Louisa Zondo, Mogoeng Mogoeng, Ernest Sipho Mchunu, Sandile Ngcobo, Patrick Maqubela, Louis Skweyiya nabanye.
Singabantu abamnyama Zikalala ake sifunde ukuziqhenya ngabantu abafana nommeli uNgcukaitobi. Siyanda Mhlongo KWADUKUZA