Yakhiwe ngobuchule iMINI entsha

ISUKA EKHASINI 6

Ithe ukuphakama njengoba umhlaba iwushiye ngo-165 mm lokho okuyisiza ukuthi iphinde ikwazi nokuhamba obhuqwini futhi ukudonsa kwayo ngamasondo wonke kuyenza ikwazi ukubambelela noma ngabe isimo sezulu sinjani nasemajikeni. Sihamba emvuleni akukazi kube khona isikhathi lapho ngizizwe ngingaphephile khona ngijika emakhoneni.

Uma uya ejikeni ngesivinini, isiteringi akudingeki nokuthi uze usijikise kakhulu ukuze ijike. Ine-Dynamic Stability Control ukuze ingaphaphalazi.

Njengoba inejubane nje, amabhuleki ayo abamba thaqa njengoba engawakwaBrembo ayi-4 piston caliper brakes ngaphambili. Abomvu uma uwabuka ngaphandle futhi aqoshwe uJohn Cooper Works.

NjengeJohn Cooper Works Clubman, akudingi ukuthi uyibuke kabili ukuze ubone ukuthi yinhle. Inama-roof rails okhakhayini, roof spoiler ngemuva esisiza ukuthi izimelele, inamarimu angu-18 inch noma u-19 uma uthanda futhi nayo inemibala egqamile.

Ivulekile njengoba ingu-4 299 mm ubude, ububanzi bayo bungu-1 822mm kuthi ukuphakama kwayo kube ngu-1 557mm.

Lokhu kwenza ukuthi abagibeli bahlale ngokukhululeka. Impahla nayo inebhuthi layo elingu-450 litres futhi uma uthanda iba ngu-1 390 ngokulalisa izihlalo.

Izinto ephuma nazo zihlanganisa amaLED headlamps nama daytime running lights, cruise control, Radio MINI Visual Boost, ixhuma i-USB umshayeli une-instrumental panel engu-6.5 inch.

Nayo ine-8.8 inch touchscreen, Park Distance Control, ikhamera ngemuva uma uthanda, izipikha zeHarman Kardon, inkombandlela nokunye.

KwaMINI bayazethemba ukuthi iJohn Cooper Works Clubman izokwazi ukuphazamisa abathengi bezimoto ezifana neMercedes-Benz A250, BMW 125i, S3 neGolf R. Ngakolunye uhlangothi iCountryman bahlose ukuthi iphazamise iMercedesBenz GLA 250, BMW X1, Audi Q2 neVW Tiguan. Nami angisiboni isizathu esingenza ingaziphonseleli inselelo lezi zimoto ngoba inani lisezingeni elifanayo nezimbangi, inamandla futhi yimoto ongayisebenzisa nsuku zonke. Amanani

KwaMINI bathi asikho isidingo sokuthuswa yinani kubathengi ngoba bengangena ku-www.miniselect.co.za lapho bengabheka khona indlela yokuthenga ehambisana nabo kanjalo nemali abazoyikhokha zinyanga zonke. MINI John Cooper Works Clubman 6-Speed Manual: R558 612 8-Speed Sports Automatic Transmission with Steptronic : R584 516 MINI John Cooper Works Countryman 6-Speed Manual: R610 612 8-Speed Sports Automatic Transmission with Steptronic : R636 510 Zonke ziphuma neMotorplan yeminyaka emihlanu noma ibanga lika-100 000km.