Amakhosi ancoma abalandeli kwiNgqwele
AMAKHOSI abehambele umcimbi weNgqwele kaMaskandi eWorkshop Centrum Park, eThekwini, ngoMgqibelo awawuvali umlomo ngobumbano lwabalandeli nabaculi.
Inkosi uMthokozisi Mathaba yaseMacambini ibonge kakhulu ukuziphatha kwabalandeli.
“Kuhambe kahle kakhulu futhi siyabonga ngobumbano kubalandeli bakamaskandi. Kube kuhle kakhulu impela,” kusho uMathaba.
Inkosi yaseMthunzini uThanda Mzimela nayo ihambe emazwini enkosi uMathaba.
“Ukuziphatha kahle kwabantu kuthokozise kakhulu. Nokubona nje abaculi nabalandeli bakhombisa ubumbano kube ngenye yezinto ezibe zinhle ngalo mcimbi,” kuphawula inkosi uMzimela.
Amakhosi atheleke emcimbini ephelezelwa ngamanye amalungu aseNdlunkulu nawezizwe zawo.
Amakhosi akhulume kanje ngenxa yokuthi kweminye imicimbi yomculo kamaskandi aseke abhekana nengwadla ngendlela yokungaziphathi kahle kwabalandeli. Komunye wemicimbi owawuseCurries Fountain Stadium, eThekwini kwaphuma isidumbu ngemuva kokudubulana kwabalandeli kanti komunye owawuse ICC, eThekwini kwalimala izicabha zengilazi.
Yingakho izikhulu zalezi zindawo zaze zathatha isinqumo sokuvala imicimbi kamaskandi ngenxa yodlame obeluqubuka khona.
Umcimbi weNgqwele kaMaskandi ubuyise ithemba kubaxhasi nabanikazi bezindawo okuba khona kuzo imicimbi.
Emcimbini wangoMgqibelo bekushiyelana inkundla oMjikijelwa, Khuzani, Igcokama Elisha, Amageza Amahle, Osaziwayo, Qhoshangokwenzakwakhe, Imfezemnyama, Indodakazi Yentandane noBahubhe. INgqwele kaMaskandi kwaba ngaMageza Amahle aseholwa nguPotso Ngobese noNsimbi Hlabisa. ITHEMBA KWI-BAFANA BAFANA YIZE ILAHLE AMAPHUZU Smanga Zulu: Nami ngisenalo ithemba. Ukudlala umdlalo engagculisi beshaywa akusho ukuthi abasakwazi ukudlala ibhola. Ukukhuluma iqiniso nje ababanga nomdlalo omuhle, bonke futhi abadlali beBafana kodwa ngiyacabanga notshani bokufakelwa baba nomthelela ekudlaleni kwabo. Uzobona namhlanje sizoyithela induku leCape Verde yakhona.
Ford Ranger: Eyi ngazuthi kwabona laba badlali abakwazi kwakona nje ukudlala. Kunini nje lokhu sithi abaqeqeshi?
ZIBULEWE ZASIKWA IZINDLEBE IZINGANE ZANDAWONYE
Buhle Zungu Emandeni: Kodwa ngikhala ngomakhelwane ngoba izingane zambikela ngomuntu ofika azibophe abuye aziqaqe. Angimbali unina wazo uyimpunzi futhi akazenzi.
Kodwa noma engangaziwa umbulali kodwa ngiwubekile unembeza.