‘Ukubambisana kwenze sahlabana’
UKUSEBENZA ngokubambisana nokuqonda ukuthi abalaleli yibo abahamba phambili, yikona umphathisiteshi weMbokodo FM athi kwenze bahlabana ngezindondo ezintathu kumaLife Changers Awards abeKwaDukuza Town Hall, ngeSonto ebusuku.
Imbokodo, ephethwe nguSandile Ngema, izuze izindondo zeBest Community Radio Breakfast Show eyethulwa nguThembinkosi Congolo, Best Drive Home Show eshayelwa uTsepo Hlongwa neyeBest Community Radio Station.
“Ukusebenza kanzima nokuzimisela nokuqonda inhloso yethu yikho okwenze saphumelela,” kusho uNgema.
Uthe nokusondelana nabantu yiko okunomthelela ngoba zinyanga zonke benza izinkonzo ezindaweni ezehlukene.
NgoLwesihlanu uthe bazobe beseHambanathi, Othongathi.
“Ngomhlaka 16 sizoba nomcimbi omkhulu wokujabulela impumelelo yethu. Sisazomema abalaleli bethu.”
Umsunguli wemiklomelo, uPhathabakhe Shezi, ubonge abantu ngokweseka imiklomelo yakhe.
Uhla lwabanqobile lumi kanje: BEST MALE ARTIST: MLAMULI BEST GROUP / ARTIST: PARADISE CELEBRATION BEST MASKANDI: KHUZANI AMAZION: TCCC MASS CHOIR BEST ARTIST: DEBORAH FRASER FEMALE ARTIST: BUSELAPHI HIP HOP: ZAKWE BEST ACAPELLA: ABANQOBI BEST KWAITO: SGANANDA COMMUNITY RADIO BREAKFAST SHOW: IMBOKODO CURRENT AFFAIRS: SIYATHUTHUKA DRIVE HOME SHOW: IMBOKODO FM COMMUNITY RADIO STATION: IMBOKODO LEADER: BROWN DRIVING SCHOOL BEST HIGH SCHOOL: STANGER HIGH