Ngiphatheke kabi ngokwenzeka kuKhozi FM
MHLELI: Mangibonge ngethuba lokubeka uvo lwami kwiSolezwe. Ngingumlaleli woKhozi FM ophatheke kabi ngalo msakazo. Kusukela ebuncaneni bami bengiwuthanda umsakazo nendlela odidiyela ngayo izinhlelo zezenkolo ikakhulukazi uhlelo lukaSiya Mhlongo Ulibo Lokuqala nolukaSbu Buthelezi Indumiso noNkulunkulu noMtomusha.
Laba basakazi bobabili izinhlelo zabo ziyelapha emphefumulweni zifundise nokusaba futhi uphinde uthembe uNkulunkulu ezimeni zonke. Into eyenza lokhu wukuthi laba bantu bakhuluma ngento abakuyo abayaziyo nabayenzayo. Manje ukuthatha umuntu onjengoTshatha (isibonelo) umfake izinhlelweni zalaba basakazi bobabili uyalona lolo hlelo. Philani Dlamini KWAXIMBA