Bekunzima emajajini koweGospel
KUSHINTSHE izinhlelo sekukhishwa imiphumela yabawine emncintiswaneni, iGospel Icon Discovery (ID) eNanda noMgqibelo. Kuklonyeliswe ababili kwabaphume isibili esikhundleni soyedwa.
Ukuthwala kanzima kwamajaji esekhipha abawinile, yikona okushintshe izinhlelo njengoba uMbali Mnguni noSebenzile Ngcobo bebange unombolo 2, emkhakheni wabadala abacula ngabodwa.
Umhlanganiso udliwe uLungile Myeni, uCody Holtman waphuma isithathu. Mithathu imikhakha obekungenelwe kuyo, amajaji kunguThulani Ga Ndlela, DJ Happy Gal, Malusi Mbokazi noThina Zungu. Emkhakheni wabangaphansi kuka-15, kuwine uLwanda Mabenzo ozakhele abalandeli abaningi ngendlela abecula ngayo ingoma ethi Jehova Is Your Name. Ulandelwe u-Amahle Mazibuko no-Okuhle Roberts. Emkhakheni wamaqembu kuwine iSenziwe yalandelwa i-AGC Youth Choir neBlessed Acapella. Abadle umhlanganiso emkhakheni ngamuye bathole uR20 000, abesibili uR15 000 noR10 000 abesithathu. ULungile onqobe kwabadala uzoqopha i-albhamu yakhe.
Ephawula ngemiphumela yanonyaka, uNdlela uthe bekuminyene utshumo njengoba kube nzima nokukhipha imiphumela.
“Thina asibheki idumela lengoma eculwayo nokuthi niyijabulela kanjani.
Kuyenzeka umuntu oculayo ezwe ejatshulelwa yizihlwele kakhulu bese naye egajwa yinjabulo, enze amaphutha. Ngifuna ukucacisa lokhu ngoba angifuni bese nithi kungani umuntu engawinanga ekubeni ejatshulelwe kakhulu,” kuchaza uNdlela.
OyiNhloko yamaPaki, ezokuNgcebeleka namaSiko kuMasipala weTheku uMnuz Thembinkosi Ngcobo, uthe umbono obuka kude ngalo mncintiswano ukuthi ufike eminyakeni engu-20.
“Sibheke ekutheni ngo-2032 iTheku laziwe ngethalente kubaculi bokholo.
Sinombono wokuthi iTheku libe nezindawo zokuqopha umculo nezemicimbi yowokholo. Kuyacaca kimina ukuthi sekuseduze ukuthi sifike kulowo mbono,” kusho uNgcobo.
Bekuwumncintiswano wesihlanu weGospel ID, obonakala likhula isasasa lawo. Nonyaka uyingxenye ye-Essence Festival ezoqala ngeSonto elizayo.
Ubeyinkabi yedwa yini? Engaqotha abantu abaningi kanje? Ithemba loba khona uma esekhiphe bonke ayenabo. Okwamanje nje, noma yini isengenzeka eGlebe.
Ukugweba inkabi eyodwa akwenzi mehluko. Kumele zibanjwe zonke izinkabi eziseGlebe. Awaqhubeke amaphoyisa abophe nabanye.
Kanti kuyoze kube nini sitshelwa ngento eyodwa. Angithi inkantolo yasithatha isinqumo ngalesi senzo kwadlulwa? Manje ubani futhi osevusa lokhu kukhuluma?
Kodwa uyodlula nini lo Disemba? Wonke umuntu ufuna ukuba umholi, nobonayo nje ukuthi ngeke aphumelele ngoba naku nje ethunywa abantu abangafinyeleli ngisho ku-50 ngesibalo, sebematasa-ke ngokukhankasa. UMnuz Jacob Zuma vele useyaphuma, sikubonile okuhle nokubi akwenzile, manje ozongena akasho ukuthi yena uphetheni emqondweni ukuzosimamisa iqembu nentuthuko edingwa abantu baseNingizimu Afrika. Akusasizi ukusitshela ngoZuma ophumayo vele manje bonke bakhuluma imfishimfishi.
Kusekuncane lokhu, kukhulu kuyeza kuyanyelela, ngesizini edlule besikhala esifanayo namanje kusenjalo, angazi yini ethusayo ngoba asiyi ndawo.
Isifo sangonyaka odlule ukungenisa amagoli ngesikhathi esengeziwe. UKomphela kumele alungise kusakhanya, noma awashiye Amakhosi.