Akanankinga ekana nezikaBenni
sokuphumula akusho ukuthi iyona ezonqoba.
“Ibhola ngeke uliqagule. Ukukhuluma ngokuthi iCape Town City iyona ephumulile akusho lutho. Okwethu ukuphumula kahle kufike umdlalo sesiwulungele. Ngiyazi banethuba lokuthi ibona abasesimeni esingcono kodwa umsebenzi womqeqeshi ukuthi alungiselele iqembu lakhe. Sizobe sidlala neqembu eliqinile okusho ukuthi kuzomele sinyuse amasokisi ukuze sibe nomdlalo omuhle,” kusho Micho.
Ngesizini edlule imidlalo yeligi phakathi kwePirates neCity yaphela babelene ngamaphuzu. Umlenze waseKapa waphela ngo 2-2 kwathi e-Orlando Stadium kwaba ngu 0-0.
Lo mqeqeshi uthe wethemba ukuthi uMpho Makola ongazange adlale kwi-United ngenxa yokuxinwa isisu, uzobe esekulungele ukudlala.
UMicho uqhubekile nokuvuna isinqumo sakhe sokubophela ukaputeni uThabo Matlaba maphakathi nenkundla esiswini. Uthe lokhu ukwenza ngoba efuna ukuvikela udonga kwazise iqembu belinenkinga yokungenelwa amagoli ngesizini edlule.
“Ngesizini edlule isisu besivuleke kakhulu yingakho sangenelwa amagoli angu-40 ngakho kudingeke ukuthi ngihlele kabusha. Ukuba khona kukaMatlaba kusho ukuthi uma ngidlalisa uMusa Nyatama noMpho Makola, omunye udlalela emuva omunye aye phambili lokhu kudinga umuntu ozovala leso sikhala. UMatlaba usenza umsebenzi oncomekayo. Akekho umqeqeshi ongamdingi umdlali okwazi ukudlala ezindaweni ezahlukene,” kusho Sredojevic. Emidlalweni emine iPirates isangenelwe igoli elilodwa yashaya amathathu.