IBasetsana iyiqale kahle eyoMhlaba
kakhulu. Sibhekene nomqeqeshi oseqophelweni eliphezulu. IWits ingompetha be-Absa Premiership. Siyiqembu elincane elisanda kunyukela esigabeni esikhulu kodwa kumele siziveze ukuthi sikufanele ukudlala kulesi sigaba namanye amaqembu angu-15,” kusho uJohnson.
IWits abazodlala nayo akuyihambeli kahle kwazise ayikaze inqobe selokhu kuqale isizini. Ngempelasonto iWits idlale ngokulingana ngo 1-1 neKaizer Chiefs eFNB Stadium, eGoli.
“Angizange ngibe yingxenye yamalungiselelo esizini. Kunzima ukudlala imidlalo njalo ngemuva kwamahora angu-48. Abadlali nabo bangabantu. Ngicabanga ukuthi okuholele ekutheni sidedele inqwaba yamagoli yingoba sisuke savula kakhulu emuva sijahe ukuthola igoli lokulinganisa,” kusho uJohnson. IQEMBU lesizwe likanobhutshuzwayo lamantombazane aneminyaka engaphansi kwewu-20 liwuqale kahle umkhankaso walo wokuhlungela iNdebe yoMhlaba ezoba ngo-2018.
IBasetsana eqeqeshwa nguMaud Khumalo ivulele isibhaxu sika 5-0 kwiNamibia emlenzeni wokuqala ngempelasonto eDobsonville Stadium.
Umlenze wesibili usekuhambeni ngo-Okthoba 1.
Amagoli avalelwe phakathi nguLinda Matlhalo oshaye amabili, uLelona Daweti, Lindokuhle Mbatha noGabriela Salgado.
UKhumalo ekhuluma kwiSafa. net uthe: “Ngijabule ngokuthi amantombazane ashaye amagoli. Lokho kuyakhuthaza kodwa futhi siyazi ukuthi umsebenzi awukapheli.”
Uthe ulindele ukuthi iqembu lakhe liqhubeke nokuzimisela nasekuhambeni.
“Ngihlezi ngigcizelela ukuthi akukhathalekile ukuthi sidlala neqembu elintekenteke kodwa kumele sibambelele kulokhu esikutsheliwe ukuze sibone lapho esiqine ngakhona namaphutha okusamele siwalungise,” kusho uKhumalo.
Uma iBasetsana idlula lapha izobhekana neBurundi esigabeni esilandelayo sokuhlunga ngoNovemba.
Imidlalo elandelayo iyoba ngoJanuwari lapho iBasetsane kungenzeka iqhuthane neNigeria noma iMorocco uma idlulele phambili. Mabili amaqembu ase-Afrika azogcina engene kweyoMhlaba ezoba seFrance.
Ngo-2015 iBasetsana yavinjwa yiNigeria esigabeni sokugcina ukuthi iye kwiNdebe yoMhlaba eyayisePapua New Guinea ngo2016. I-Afrika yagcina imelwe yiNigeria neGhana.
Khonamanjalo iqembu elidala iBanyana Banyana lizobhekana neZambia kuma-semi final eCosafa Cup eseZimbabwe. Umdlalo ungoLwesine ngo-1 emini.
IBanyana elwela ukunqoba lo mqhudelwano eyawugcina ngo2008, iqede iqhwakele eqoqweni layo ngemuva kokubambana ngo 1-1 neBotswana ngempelasonto.