Kuyingozi ukuzaca nokungalali kungazeki isizathu sakho
ubuthongo walala. Namanje usalokhu ebabaze njalo! Ngiye ngimphendule njalo ngokuthi akukho simanga esasenza, ngaphandle kokuthi safuna sayithola imbangela yokungalali kwakhe, sase selapha lowo msuka. Kuphela!
Ukuzibona uzaca khona, kunezimbangela eziningi. Abaningi abaphethwe isifo esibangela lokhu, bakhala ngokuthi basuke bazibone sekwenzeka ushintsho olusheshayo nolubonakalayo kubantu.
Izimbangela zalokhu kuncipha ziningi kakhulu. Eziphuma eqhulwini nje: Isifo iTB Igciwane lengculazi Umdlavuza onhlobonhlobo Ingcindezi ebuchosheni Osebenzisa imishanguzo ezacisayo ungaqondi.
Ukuphunduleka kokumuncwa kokudla emathunjini okuya esigayweni esisesibindini
Esikhuluma ngakho namhlanje ukuzibona wonda, uzaca ekubeni lezi zifo ezibhalwe ngenhla sewuzihlolele, kwangatholakala lutho. Kufanele lapho wenze okuthile ufune lo mhlola. Kulesi sifo esikhuluma ngaso namhlanje sibangwa ukuphunduleka ukusebenza kwendlala ethile emzimbeni. Ivele idlondlobale ifuthelane ezinhlangothini zombili zayo ikhiphe imikhiqizo yayo ngaphezu kokujwayelekile, kakhulu. Kulapho-ke uzothola ukuthi:
Akusalaleki ebusuku, ubuthongo do.
Emzimbeni uyazaca. Kuyenzeka abanye baqale ngokuzimuka emzimbeni baphinde bazace nakhona kungekho sizathu ongasikhomba uqiniseke ngaso.
Uyajuluka ngokungajwayelekile Uyaqhaqhazela Ushaywa uvalo Ukukhathala okungajweyelekile
Ushaywa yikhanda ongathi liyavuvukala, liqinelane ungathi kuthe ngci, lizohlukana phakathi Umzimba ulahla ibhalansi Isisu siyaqumba sihlabe sibe buhlungu. Kwabanye kuqala ngaso isisu ukuzwakala ubuhlungu, sigcwale umoya ngokungajwayelekile, sibe buhlungu.
Umfutho wenhliziyo kwabanye uyenyuka ube phezulu, ungezweli nasemaphilisini okuyilawula.
Nokushaya kwayo inhliziyo, kuyenyuka ishayele phezulu, iqede amandla
Ukuphunduleka ngale ndlela kwale ndlala kungegcine nje ngalokhu okungenhla, kodwa umzimba ungasuke uyiququde wona le ndlala igcine isivuvukele. Kuyenzeka lapha igcine isingumdlavuza uqobo.
Kubalulekile sigcizelele njalo ukuthi abantu bakithi mabafunde ukushesha bayisukumele into okanye isimo abangasiqondi kahle. Isikhathi esiningi uyaye uthole ukuthi ogulayo usehambe izindawo eziningi ethi ufuna usizo, usefika lapha kuwe nje kuningi kakhulu osekulimele. Ukumelapha sekumele uqale kude, nakhona sekuzobiza kakhulu ngenxa yezimo nezifo osekumelwe zilandelwe zelashwe. Kwesinye isikhathi inselelo lapha kuba ukuthi abantu bakithi abekho nkamunkamu ukukhokhela udokotela. Bangabakhokhela bonke abanye, kodwa udokotela cha.
Masingakubekezeleli ukuncipha emzimbeni, uphelelwe ubuthongo ngale ndlela engajwayelekile; sibe silokhu sithi mhlawumbe kuzoziphelela. Asisukume sisifune isizathu sento eshintshayo emzimbeni. Izifo nezimo ezinjengalezi aziveli zivumbuke kumuntu; kodwa ziqala kancane kube yithi esizishaya indiva zibe zisiququda ngaphakathi.
Mpilonde!