AYENEME NGOKUGCWELE IKHEMPU YOXOSHWE YI-SUNDOWNS
KUNOKUNGABONI ngasolinye phakathi kweMamelodi Sundowns nomdlali okuthiwa isimxoshile uMzikayise Mashaba obekuvele kukhalwa ngokuhluleka kwakhe ukuziphathisa okomdlali webhola elikhokhelayo.
Ngokuthola kukaPotshoza lo mdlali usexoshiwe yiSundowns futhi kuvunyelwene kodwa inkinga isekutheni ayikamniki iphepha elimkhulula ukuthi angasayina noma ikuphi.
Kuliqiniso ke ukuthi ngeke vele akwazi ukudlala manje ngoba ulimele futhi ukulimala kwakhe kunzima yingakho kusazothatha izinyanga ukuthi aphinde abonakale enkundleni, nakhona lokho uma kuyogcina kwenzekile.
UPotshoza unolwazi olugcwele lokuthi iSundowns ithe liphume nobomvu ngokuhamba kwalo mdlali futhi izogcina imnikile iphepha lokumkhulula. Ngokolwazi uPotshoza analo uMashaba ubesephelile ukuhlawuliswa u-20% emholweni wakhe zinyanga zonke ngenxa yokufika sekudlule isikhathi sokuqala kwejimu. Kuthiwa lokhu ubekwenza nsuku zonke.
UPotshoza uyazi ukuthi lo mdlali uzimuke kakhulu ngemuva kokulimala okuholele ekutheni iSundowns imbizele ekomidini eliqondisa izigwegwe. Ufike wawavuma wonke amacala akhe wase ekhonjwa afika ngayo. Isikhalo esikhona lapha kuthiwa sivela kuTim Sukazi okunguyena obhekele izindaba zalo mdlali. UPotshoza uthole ukuthi uSukazi ukhala ngendlela nesikhathi umdlali wakhe axoshwe ngayo ngoba ubona ukuthi bekwenzelwa ukuthi umdlali wakhe abe nenkinga yokuthola umsebenzi. Phakathi kwamaqembu abemataniswa nawo uMashaba njengoba bekuvulwe iwindi lokushintsha ngabadlali kugqame iKaizer Chiefs. eyisishiyagalombili kungase kuwinise iKaizer Chiefs. Leli qembu lidlalelwa nguAndile Jali kodwa iChiefs ibheke uKnowledge Musona okunguyena ohlale njalo elihola njengesibani ngamagoli. Okubi ngala magoli kaMusona ukuthi asuke ewumthobanhliziyo kwazise iyasha induku kusukeka kuqale isizini. UPotshoza usekuhogelile ukuthi iChiefs iyamcathamela lo mgadli onenkontileka ephela ngoJuni ka-2020 neOostende. UMusona ushiye Amakhosi ngo-2011 eyodlalela iqembu laseGermany i-TSG Hoffenheim lapho ethe angaqeda khona wabolekiswa nakwiFC Augsburg. Ngemuva kwalokhu ubuyele kwiChiefs ngokubolekiswa ngo2013. Uthe angabuyela eGermany uMusona waseZimbabwe namanje oseyisithandwa kubalandeli beChiefs, wase esayina ngokugcwele eBelgium. UPotshoza usehoshile kosibhincamakhasana ukuthi angase abuye u-Smilling Assasin ngoba leli qembu libhekene nenkinga yezembe okungenza kubelula ukuthi iChiefs ibaxine. Ngokuthola kweqhawe lakho lokhu kungase kwenzeke ngophawini ozovuleka ngoJanuwari lapho amaqembu ezophinde athole ithuba lokuhwebelana ngabadlali. Kuze kube imanje iChiefs ayikamtholi umgadli emfunayo. UBobby Motaung oyimenenja yebhola kuChiefs umile ekuthni ngeke aphumule angakamtholi umgadli weqophelo elipheuzlu. Nawo lo oweBafana neSenegal uyabalwa.
Inkantolo iBurkina Faso ethi izolusa kuyona udaba, iyona ehlakaze uLamptey ngokumdingisa ebholeni unomphelo. Kungenxa yalesi sinqumo iFifa ishaye umthetho wokuthi lo mdlalo kumele ubuyele enkundleni ngoNovemba (lapha eNingizimu Afrika).
Kuthusile-ke nokho ukuzwa iSafa ivuma kalula ukuthi umdlalo ubuyele enkundleni ngekuchaze ngokuthi ayifuni ukubalwa emkhonyovini. Kudlule izinsuku ezimbalwa iSafa imemezele lokhu kwavela ukuthi iFifa isivumile ukuthi izokhokhela iSafa u-R5 million okuthiwa izindleko zokuphinda umdlalo.
Akwehli kahle lokhu kwiBurkina Faso okuyiyona eqhwakele eqoqweni. Ukuguquka kwalo mphumela kungayisusa esicongweni okuyikona okwenza ibhodle umlilo kwazise kuhamba izwe elilodwa eqoqweni ukuya eRussia.
Ngokwesitatimende esikhishwe usoseshini waseBurkina Faso, kucacisiwe ukuthi lolu daba luzodluliselwa enkantolo enkulu kunazo zonke emhlabeni kwezithinta ezemidlalo. Kucelwe ukuba abantu baseBurkina Faso bangadikibali kepha bakholwe ukuthi izwe labo kuseyilona elihamba phambili kuleli qoqo. Okushiye uPotshoza exakekile ngalokhu ukuthi kungani iSafa ingazange ilwe ngoba kucacile ukuthi yona neSenegal abazange batholakale benomkhonyovu ngesikhathi kuphenywa uLamptey?