INDAWO YOKUPAKA KWAMNYANDU KUBALANDELI KOWOSUTHU
adlale kule sizini kusukela ngenxa yokuthi ubesalulama kulandela ukuhlinzwa idolo ekupheleni kwesizini edlule. Nokho useziyekile izinduku njengoba eseziqeqesha nozakwabo. Lo mdlali ongomunye wabebegqamile kwiCity ngesizini edlule uzwakalise ixhala lakhe ebhala kuTwitter.
“Sengikulambele ukudlala,” ubhale kanje efake nesithombe sezandla ezikhombisa ukuthandaza.
UNgoma ube ngomunye wabadlali abagqamile iCity inqoba iTelkom Knockout ngesizini edlule. Kuyimanje iCity izodlala kowamanqamu weMTN 8 neSuperSport United ngo-Okthoba 14 eMoses Mabhida Stadium .
ZIZWAKELE izikhalo zabalandeli baMaZulu ababe nenkinga yokupaka izimoto zabo uma behambele imidlalo yaleli qembu eKing Zwelithini Stadium, eMlaza.
Usuthu luthathe isinqumo sokuyisukumela indaba yezimoto zabalandeli ebezipaka emgwaqeni nasemizini yabantu engasenkundleni. IKing Zwelithini Stadium ayinazo izindawo zokupaka abalandeli.
Imenenja yaMaZulu, uQedi Dlamini, iveze ukuthi sebevumelene nabaphathi basenxanxatheleni yezitolo kwaMnyandu ukuthi abalandeli basebenzise indawo yokupaka esophahleni lwesakhiwo uma bezobuka imidlalo yeqembu. Le ndawo ipaka izimoto ezibalelwa ku-500. “Sikhulumile nabaphathi bakhona ngoba abalandeli kade bekhala ngokuthi ayikho indawo yokupaka. Sivumelene ngokuthi ngokuthi abalandeli basebenzise indawo yokupaka esophahleni lwesakhiwo. Sicela abantu bapake khona, sizofaka onogada abazokwenza isiqiniseko sokuthi izimoto ziphephile.
Uma umuntu efike ngaphambi kwehora lesikhombisa angasebenzisa isango lokuqala kodwa uma efike ngemuva kwalokho uzosebenzisa elokugcina. Lokho sikwenzela ukuthi ziphephe izimoto zabo.” Usuthu luzokwamukela iBidvest Wits kowe-Absa Premiership eKing Zwelithi Stadium namuhla ngo-7.30 ebusuku.