UDavids ujabulela ukuphuka kwerekhodi lokungehlulwa
Stars ibisabeka imali encane. UNgubane ubatshelile ukuthi uthola into engakanani kwiMilford futhi uzimisele ngokuthola engakanani uma eya kwi-All Stars,” kusho umthombo.
UNgubane useke wacija amaqembu iThanda Royal Zulu, Royal Eagles ne-African Warriors wonke agijima kwiNFD. UJABULELA ukuphuka kwerekhodi lokungehlulwa umqeqeshi weMaritzurg United, uFadlu Davids, obona kuzobalethela inkululeko abadlali bakhe.
ITeam of Choice ihlulwe okokuqala emidlalweni yeligi kusukela kuqale isizini ka-2017/2018. Ithelwe isibhaxu sika 2-0 yiKaizer Chiefs emdlalweni we-Absa Premiership eHarry Gwala Stadium,eMgungundlovu, ngesonto eledlule.
Amagoli eChiefs abaselwe phakathi nguGustavo Paez esiwombeni ngasinye. Nokho esikhundleni sokuthi lo mqeqeshi akhombise ukuphatheka kabi, ikakhulukazi njengoba iTeam of Choice seyehlile esicongweni se-log yePremiership, uveze ukuthi lokhu kwehlise ingcindezi kubadlali bakhe. IMaritzburg yehlele endaweni yesithupha ngamaphuzu ayisishiyagalombili emuva kwemidlalo eyisihlanu.
“Ngijabule ukuthi isiphelile indaba yerekhodi lokungehlulwa ngoba laba bafana bazokwazi ukubuyela kwamhlaba. Wonke umuntu ukhuluma ngeMaritzburg, wonke umuntu uyabakhothamela konke lapho behamba khona. Manje sekuyisikhathi lapho kufanele sibuyekeze izinto, sisebenze kanzima. Kufanele sibhukule kwezinye izindawo, sehlise umoya, siqale ukusebenza,” kusho uDavids.
IMaritzburg izokwamukela iFree State Stars emdlalweni wePremiership ngoLwesihlanu eHarry Gwala Stadium. UDavids usekusho kaningi ukuthi ufuna ukwenza le nkundla isigodi sikamaminzela.
Ngesikhathi ibhekene neChiefs, iTeam of Choice yakhe amathuba amaningi kodwa ubenqaba unozinti weChiefs u-Itumeleng Khune ogcine eqokwe njengomdlali ovelele. UKhune uvimbe iphenathi ka-Evans Rusike esiwombeni sesibili obekungenzeka ibuyisele iMaritzburg emdlalweni.
UDavids uzwakalise ukulijabulela ikhefu abalitholile.
“Okuhle ukuthi siyawakha amathuba, sifika ezindaweni ezinhle. Noma ngabe bebeluhlela kanjani udonga, besikwazi ukubagqobhoza. Besidlala imidlalo emithathu ezinsukwini eziyisithupha nokungenzeka ukuthi sekuqala ukuzwela kubadlali. Sizophumula bese siqala ukulungiselela iFree State Stars ngoMsombuluko,” kusho uDavids.
I-Ea Lla Koto isendaweni ka-14 kwi-log ngamaphuzu amane emuva kwemidlalo eyisihlanu. Isihlulwe emidlalweni emithathu, yawina owodwa, wadlala ngokulingana kowodwa.