KUYEZWELA UKUBA UMDLALI WANGAPHANDLE KUMANYAMA
ISITHANDWA somdlali obekwiCape Town City, uLebohang Manyama, sizwakalise ukuthi sibhekene nobukhulu ubunzima eTurkey kwazise asiyena umdlali ozalwa kuleliya lizwe manje simelwe umsebenzi wokuchaza ozakwabo kuqala ngaphambi kwabalandeli.
Lo mdlali oqokwe njengovelele kwiPSL ngesizini edlule, usayine kwi-Atiker Konyaspor yaseTurkey ngoSepthemba esuka kwezikaBenni.
UManyama oneminyaka engu-27 uvumile ukuthi ubhekene nobunzima bokuba yisifiki eTurkey kodwa uthe ngeke aliphonse ithawula.
“Ubunzima obukhulu uma ufika endaweni ongayazi ukuthi kumele uqale ufunde laba osondelene nabo ukuthi bacabanga kanjani. Uma ngilibeka njengoba linjalo iqiniso, kunzima lapha. Ngisezweni elisha futhi eqenjini elisha manje kusafanele ngikhombise abadlali beqembu lami ukuthi ngilandelweni.
“Kusemqoka ukuthi ngiqale ngichaze bona. Akufani nakwiCity lapho bengiyisithenjwa khona. Ngiyakwamukela lokhu kungatshazwa ngoba abazi ukuthi yini engingayenza. Okusemqoka ukuthi ngizinike isikhathi ngijwayele bese kuba yilapho ngizoziveza khona,” kusho uManyama.
“Ngaphezu kwakho konke lokhu kunzima nje lapha eTurkey uma ungeyena owakhona. Akukhathalekile noma udlala ibhola noma wenza muphi umsebenzi.
Angikaze ngibe yisihambi ezweni ngakho ngikuzwa okokuqala lokhu. Kunzima kakhulu kodwa sengiyazi manje ukuthi laba abasuke bengabokufika eNingizimu Afrika bazizwa kanjani ngendlela abaphathwa ngayo. Ngikholelwa ekutheni kuzongakha lokhu kungenze umdlali ongcono yingakho kungangiphathi kabi konke okunzima engibhekana nakho nsuku zonke.” Mahlambi, oseze wawathola amaphepha amgunyaza ukuba asebenze ezweni likaFaro.
UMahlambi oneminyaka engu20 usayiniswe ngetshe lemali kwiAl Ahly yase-Egypt ngenyanga edlule esuka kompetha be-Absa Premiership, iBidvest Wits. Ukusayina kukaMahlambi kwiAl Ahly kube yingqophamlando njengoba ebe ngumdlali wokuqala ukusuka eNingizimu Afrika ayojoyine iqembu lasenhla ne-Afrika.
Nakuba uMahlambi ebingelele abalandeli bakhe ngamagoli amabili kowobungani awudlale esanda kusayina kodwa ukungatholakali kwamaphepha amkhulula ukuba asebenze e-Egypt kuyimbangela yokuthi akakabonakali lo mdlali emidlalweni yeligi yeqembu lakhe elisha.
Ngokuthola kukaPotshoza konke lokhu kungase kushintshe kule mpelasonto njengoba uMahlambi esevumelekile ukuthi angaboshelwa. I-Al Ahly idlala ne-Al Ittihad kusasa kanti ngoMgqibelo izobhekana ne-El Raja. Maningi amathuba okuthi uMahlambi abonakale okungenani kowodwa wale mdlalo. Konke kodwa lokhu kulele ekutheni uzofika enjani e-Egypt uMahlambi njengoba esuka kuleli kade esekhempini yeBafana ebibhekene neBurkina Faso kowokuhlungela iNdebe yoMhlaba ezokuba seRussia ngonyaka ozayo.