Akucaci ngophenyo ngeMusic House KZN
SELUPHENDUKE inkombankombane udaba lophenyo mayelana nokusebenza kweMusic House KZN kanti nohulumeni wesifundazwe akafuni ukuphawula ngalo. UMnyango wezobuCiko namaSiko KwaZuluNatal okuyiwo oxhasa isikhungo samaciko ngemali uthe wuMnyango wezeziMali esifundazweni ongaphawula kangcono ngophenyo ngoba yiwo olusingethe. Ngakolunye uhlangothi owezeziMali uthe ngowezobuCiko namaSiko okumele uphawule. Kwenzeka konke lokhu nje iDemocratic Alliance KwaZulu-Natal ithe ngokuthola kwayo uphenyo seluphothuliwe futhi kuthinteka izikhulu eziphezulu esikhungweni. Okhulumela uMnyango wezobuCiko namaSiko, uMnuz Mack Makhathini, uthe abanalo ulwazi ngokuthi uphenyo seluphothuliwe. “Sigcina ukubheka uphenyo lwalusaqhubeka. Ngicela ubheke noMnyango wezeziMali okuyiwo owajuba uphenyo ngemininingwane,” kusho THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50. Musa Cebisa, uthe basaqhubeka nophenyo.
“Ngeke siphawule ngoba lwajutshwa wuMnyango wezobuCiko namaSiko. Yonke imibuzo ethinta uphenyo kumele ibhekiswe kulowo mnyango,” kusho uCebisa.
Ilungu leDA esiShayamthetho futhi elikhulumela inhlangano kwezobuCiko namaSiko, uGeorge Mari, lithe ngokuthola kwabo uphenyo seluphothuliwe.
“Okunzima ngalokhu wukuthi amaciko asafufusa aseKZN awasenandawo yokuqopha noma isikhungo esikahle sokuthuthukisa ithalente lawo,” kusho uMari.
Uthe lesi simo sidinga ukulungiswa ngokushesha futhi balindele ukuthi uNgqongoshe wezobuCiko namaSiko uNkk Bongi Sithole-Moloi abavulele amacala bonke abathinteka kulolu phenyo.
“Ngeke siyibekezelele imizamo yokuvikela nanoma ngubani. Konke ukungcola kumele kukhucululwe futhi lesi sikhungo esibalulekile kumele sakhiwe kabusha ukuze abantu baseKZN basisebenzise futhi,” kuchaza uMari.
Abasebenzi bagcina ngoFebhuwari emsebenzini futhi bengaholile kwathiwa abayohlala emakhaya.
Owayengumphathi omkhulu wemali, uMnuz Faisal Docrat, owaxoshwa ngo-2015, wafaka isikhungo enkantolo ekhala ngokuxoshwa kwakhe. Icala walinqoba inkantolo yaze yathumela isikhonzi ukuba siyodla impahla ukuze athole imali yakhe.
Usanda kutshela leli phephandaba ukuthi udaba lubuyela enkantolo ngonyaka ozayo ngoba uMnyango wezobuCiko namaSiko wathi impahla yaseMusic House ngeyawo.